سادگی کیا ہے؟ زندگی میں سادہ رہنے کے دینی فوائد

سادگی کیا ہے؟

فرمانِ آخری نبی صلَّی اللہ علیہ واٰلہٖ وسلَّم:

اِنَّ الْبَذَاذَۃَ مِنَ الْاِیْمَان۔ یعنی ”سادگی ایمان سے ہے۔“

زندگی کے معاملات یعنی کھانے، پینے، پہننے، بَرَتْنے (یعنی استعمال کرنے)، رَہَن سَہَن  (یعنی زندگی گزارنے کے طور طریقے)  وغیرہا میں  بےجا تکلُّفات (یعنی غیر ضروری سجاوٹیں بناوٹیں) اور اسراف (یعنی فضول خرچی) سے بچنے کا نام سادگی ہے جبکہ کنجوسی کی حد تک نہ پہنچ جائے۔ مثلاً یہ عادت کہ اکثر اوقات لباس میں نئے لباس ہی کو ترجیحاً پہننااور دو چار بار پہن کرنیا لباس لے لینا بےجا تکلُّف (ہے) اور سادگی کے منافی (یعنی اُلَٹ) ہے۔ یونہی غِذا میں بھی اکثر اوقات مُرَغّن و عمدہ غذائیں کھانا اور سادہ کھانے کو ناپسند جاننا بےجا تکلُّف (ہے) اور سادگی کے مخالِف (یعنی الٹ)۔

مکان و استعمال کے سامان، سُواری وغیرہ کا بھی یہی  مسئلہ ہے۔

صَلُّوْا عَلَی الْحَبِیب!                                                                                                                                                                                                                 صلَّی اللہُ علیٰ محمَّد

تفصیلی معلومات کے لیے دار الافتاء اہلسنّت کا فتویٰ پڑھ لیجیے۔

(ریفرنس نمبر:FSD8576)