اربَعیْنِ حَنفِیَّہ - حدیث نمبر: 22

اس روایت سے معلوم ہوا کہ آمین اخفا(پست آواز )کے ساتھ کہنی چاہیئے ۔کیونکہ اگروہ جہر(اُونچی آواز)ہوتی تو آپصلّی اﷲ علیہ واٰلہٖ وسلّمنہ فرماتے جب امام ’’وَ لاَ الضَّآلِّیْنَ‘‘کہے تم آمین کہو بلکہ یوں فرماتے کہ جب امام آمین کہے تو تم آمین کہو ۔اس کا جواب یہ ہے کہ جمہور محدثین نے ’’اِذَا اَمَّنَ‘‘کے معنی ’’اِذَا اَرَادَ التَّأمِیْنَ‘‘ کئے ہیں ۔ یعنی جب امام آمین کہنے کا ارادہ کرے تو تم آمین کہو ۔ اور وہ ارادہ’’وَلاَ الضَّآلِّیْنَ‘‘ ختم کرنا ہے ۔جمہور نے یہ معنی جمع بین الحدیثَین(دو حدیثوں کا جمع کرنا) کیلئے کئے ہیں ۔تو جب اس حدیث کے معنیإذا أراد التامینہوئے تو اس سے جہر آمین ثابت نہیں ہوتا۔ علاوہ اسکے ایک دوسری حدیث میں جس کوامام احمدنسائی دارمی( 1)نے روایت کیا ہے آیا ہےفَاِنَّ الْاِمَامَ یَقُوْلُ آمِیْنْکہ امام بھی آمین کہتا ہے ، اس سے بھی معلوم ہوا کہ آمین بالجہر نہ تھی۔ اگر جہر ہوتی تو امام کے فعل کے اظہار کی ضرورت نہ پڑتی۔
اس حدیث سے یہ بھی ثابت ہوا کہ مقتدی فاتحہ نہ پڑھے ۔کیونکہ اگرمقتدی پر فاتحہ لازم ہوتا تو آپصلّی اﷲ علیہ واٰلہٖ وسلّمفرماتے جب تم’’غَیْرِ الْمَغْضُوْبِ عَلَیْھِمْ وَ لاَ الضَّالِّیْنَ‘‘پڑھو تو آمین کہو۔ بلکہ یوں فرمایا کہ جب اماموَلاَ الضَّآلِّیْنَکہے تو تم آمین کہو ۔ معلوم ہواکہ فاتحہ کاپڑھناامام پرہی لازم تھا۔دوسری حدیث میں اور بھی تصریح فرمادی کہاِذَا اَمَّنَ الْقَارِئ فَاَمِّنُوْا۔جب قراء ت پڑھنے والا آمین کا ارادہ کرے تو تم بھی آمین کہو ۔پس اگر مقتدی بھی قاری ہوتا توآپصلّی اﷲ علیہ واٰلہٖ وسلّمصرف امام کو قاری نہ فرماتے ۔
--------------
∞(1).. النسائی ۲/۱۴۳۔