اربَعیْنِ حَنفِیَّہ - حدیث نمبر: 20

اس حدیث سے معلوم ہوا کہ قرائت امام کا حق ہے اور مقتدی کو خاموش رہنے کا حکم ہے ۔یہ حدیث قرآن کریم کی تفسیر ہے ۔اﷲ تعالیٰفرماتا ہے :اِذَا قُرِیَٔ الْقُرْآنُ فَاسْتَمِعُوْا لَہٗ وَاَنْصِتُوْا لَعَلَّکُمْ تُرْحَمُوْنَ o ترجمۂ کنزالایمان:اور جب قرآن پڑھا جائے تو اُسے کان لگاکر سنو اور خاموش رہو کہ تم پر رحم ہو۔(الاعراف۹/۲۰۴ )
اس آیت سے یہ معلوم نہیں ہوتا تھاکہ پڑھنے والا کون ہو۔ حدیث مذکور نے یہ بیان کردیا کہ وہ پڑھنے والا امام ہے۔جب امام قرآن پڑھے تو تم خاموش رہو۔ معلوم ہوا کہ مقتدی ’فاتحہ‘ خلف الامام نہ پڑھے(یعنی امام کے پیچھے سورۃ فاتحہ نہ پڑھے)۔ یہی صحیح ہے ۔ حضرت سیدناابوہریرہرضی اﷲ عنہنے بھی اس حدیث کو روایت کیا۔ فرمایا رسول کریمصلّی اﷲ علیہ واٰلہٖ وسلّمنے :اِنَّمَا جُعِلَ الْاِمَامُِ لِیُؤْتَمَّ بِہِ فَاِذَا کَبَّرَ فَکَبِّرُوْا وَاِذَا قَرَءَ فَاَنْصِتُوْا۔ترجمہ :امام اس لئے بنایا گیا ہے کہ اس کی اقتدا کی جائے۔ جب وہ تکبیر کہے تو تم تکبیر کہو۔ جب وہ پڑھے تو تم چپ رہو۔(1 ) اس کو ابوداؤد، ابن ماجہ، نسائی وغیرہم نے روایت کیا۔ یہ حدیث بھی صحیح ہے۔ اس کو مسلم نے بھی صحیح کہا ہے ۔
-------------
∞(1)..(النسائی ۱/۱۱۲َ ۔)