اربَعیْنِ حَنفِیَّہ - حدیث نمبر: 10

اس حدیث سے معلوم ہوا کہ کلی الگ تین بار اور ناک میں الگ تین بار پانی ڈالنا چاہیئے۔یعنی دونوں کے لئے الگ الگ پانی لینا چاہیئے۔ امام اعظمرَحْمَۃُ اﷲ تَعَالٰی عَلَیْہِکا یہی مذہب ہے ۔اسی طرح ابوداؤد(1 )کی حدیث میں آیاہے کہ ابن ابی ملیکہ سے وضو کا سوال ہوا۔ تو انہوں نے کہا کہ میں نے حضرت سیدنا عثمانرضی اﷲ عنہکو دیکھا کہ ان کو وضو کا سوال ہوا۔ تو آپرضی اﷲ عنہنے پانی منگوایا ۔ تو آپرضی اﷲ عنہکے پاس پانی کا برتن لایا گیا تو آپرضی اﷲ عنہنے اپنے داہنے ہاتھ پر اس کو جھکایا۔ یعنی اس برتن سے داہنا ہاتھ دھویا پھر آپرضی اﷲ عنہنے داہنے ہاتھ کو پانی میں ڈال کر تین بار کلی کی اور تین بار ناک میں پانی ڈالا پھر تین بار منہ دھویا۔ پھر تین بار دایاں ہاتھ دھویا اور بایاں ہاتھ تین بار دھویا ۔ پھر اپنا ہاتھ ڈال کر پانی لیا اور سر کا مسح کیا اور کانوں کے ظاہر و باطن کا ایک مسح کیا۔ پھر دونوں پاؤں دھوئے اور فرمایا کہ وضو کے سائل کہاں ہیں ؟ میں نے رسول کریمصلّی اﷲ علیہ واٰلہٖ وسلّمکو اسی طرح وضو کرتے دیکھا ہے۔ آثار السّنن میں اس حدیث کی سند کو صحیح لکھا ہے ۔ اس حدیث سے بھی معلوم ہوا کہ مضمضہ(کُلّی کرنا)اور استنشاق(ناک میں پانی چڑھانا)الگ الگ کرنا چاہیئے البتہ جن روایتوں میںجَمَعَ بَیْنَ الْمَضْمَضَۃِ وَ الْاِسْتِنْشَاقِآیا ہے وہ جواز پر محمول ہیں لیکن افضل فصل(الگ الگ کرنا)ہے۔--------------------------
(1 )..السّنن لابی داؤد باب صفۃ وضؤ النّبيا۱/۷۱