اربَعیْنِ حَنفِیَّہ - حدیث نمبر: 16

اس حدیث سے معلوم ہوا کہ تکبیر تحریمہ کیلئے ہاتھ کانوں کے برابر اٹھانے چاہئیں ۔ ایسا ہی ابوداؤد میں وائل کی حدیث میں آیا ہے ۔ وہ فرماتے ہیں کہ میں نے دیکھا رسول کریمصلّی اﷲ علیہ واٰلہٖ وسلّمکو جب شروع کیا نماز کو تو دونوں ہاتھ کانوں کے برابرتک اٹھاتے ۔ کہا وائل نے میں ان کے پاس آیا تو دیکھا کہ اپنے ہاتھوں کو سینوں تک اٹھاتے ہیں ۔ اور ان پر بارانیاں اور لوئیاں تھیں ۔ یعنی سردی کے سبب ہاتھوں کو باہر نہیں نکالتے تھے ۔ اس سے معلوم ہوا کہ جن روایتوں میں مونڈھوں کے برابر ہاتھ اٹھانا آیا ہے وہ عذر سردی سے تھا یا یہ کہ مونڈھوں کے برابر ہاتھ ہوں۔ اور دونوں انگھوٹھے کانوں کے برابر ہوں۔ چنانچہ ابوداؤد میں وائل کی حدیث میں آیا ہے کہ اس نے نبی کریمصلّی اﷲ علیہ واٰلہٖ وسلّمکو دیکھا جب وہ نماز کے لئے کھڑے ہوئے تو آپ نے دونوں ہاتھ اٹھائے۔ یہاں تک کہ مونڈھوں کے مقابل ہوگئے اور برابر کیا دونوں ابہاموں (انگوٹھوں) کو اپنے کانوں کے ۔شرح مسند امام ص ۲۴۴۔