Surah Al Muminun Ayat 86 Urdu Translation Tafseer

Para 18 - قَدْ اَفْلَحَ

سورة المؤمنون

Audio PDF

بِسْمِ اللّٰهِ الرَّحْمٰنِ الرَّحِیْمِ

23.86-87

قُلْ مَنْ رَّبُّ السَّمٰوٰتِ السَّبْعِ وَ رَبُّ الْعَرْشِ الْعَظِیْمِ(86) سَیَقُوْلُوْنَ لِلّٰهِؕ-قُلْ اَفَلَا تَتَّقُوْنَ(87)

Kanz ul Iman Kanz ul Irfan

کنزالعرفان

تم فرماؤ: ساتوں آسمانوں کا مالک اور عرشِ عظیم کا مالک کون ہے؟ اب کہیں گے: یہ سب اللہ ہی کاہے۔ تم فرماؤ: توکیا تم ڈرتے نہیں؟.

تفسیر : ‎صراط الجنان

{سَیَقُوْلُوْنَ: اب کہیں گے۔} اس سے پہلی آیت میں کفار سے دوسراسوال کیا گیا کہ ساتوں آسمانوں کا اور عرشِ عظیم کا مالک کون ہے؟ اللہ تعالیٰ نے اپنے حبیب صَلَّی اللہ تَعَالٰی عَلَیْہ ِوَاٰلِہٖ وَسَلَّمَ سے کفار کی طرف سے دیا جانے والاجواب پہلے ہی ارشاد فرما دیا کہ وہ آپ کی اس بات کے جواب میں کہیں گے کہ یہ سب اللہ تعالیٰ ہی کاہے۔ تو آپ ان سے فرمائیں کہ پھرتم غَیْرُ اللہ کی عبادت کرنے اور اللہ تعالیٰ کے ساتھ کسی کو شریک ٹھہرانے سے اور اس کے مُردوں کو زندہ کرنے پر قادر ہونے کا انکار کرنے سے کیوں نہیں ڈرتے اور اس کے عذاب سے خوف کیوں نہیں کھاتے۔(مدارک، المؤمنون، تحت الآیۃ: ۸۶-۸۷، ص۷۶۳، خازن، المؤمنون، تحت الآیۃ: ۸۶-۸۷، ۳ / ۳۳۰، ملتقطاً)

Next Ayat Prev Ayat