DONATE NOW donation

Home Al-Quran Surah An Naml Ayat 17 Translation Tafseer

رکوعاتہا 7
سورۃ ﳗ
اٰیاتہا 93

Tarteeb e Nuzool:(48) Tarteeb e Tilawat:(27) Mushtamil e Para:(19-20) Total Aayaat:(93)
Total Ruku:(7) Total Words:(1276) Total Letters:(4724)
17

وَ حُشِرَ لِسُلَیْمٰنَ جُنُوْدُهٗ مِنَ الْجِنِّ وَ الْاِنْسِ وَ الطَّیْرِ فَهُمْ یُوْزَعُوْنَ(۱۷)
ترجمہ: کنزالعرفان
اور سلیمان کے لیے جنوں اور انسانوں اور پرندوں سے اس کے لشکر جمع کر دئیے گئے تو وہ روکے جاتے تھے۔


تفسیر: ‎صراط الجنان

{ وَ حُشِرَ لِسُلَیْمٰنَ جُنُوْدُهٗ : اور سلیمان کے لیے اس کے لشکر جمع کر دئیے گئے۔} اس آیت کا ایک مفہوم یہ ہے کہ حضرت سلیمان عَلَیْہِ الصَّلٰوۃُ وَالسَّلَام کے لئے مختلف مقامات سے جنوں ، انسانوں  اور پرندوں  کے لشکروں  کو جمع کر دیا گیا اور اس لشکر کی تعداد اتنی زیادہ تھی کہ ان کا انتظام کرنے کے لئے اگلوں  کو آگے بڑھنے سے روکا جاتا تاکہ سب جمع ہوجائیں ، اس کے بعد انہیں  چلایا جاتا تھا۔ دوسرا مفہوم یہ ہے کہ حضرت سلیمان عَلَیْہِ الصَّلٰوۃُ وَالسَّلَام کے لیے جنّوں  اور انسانوں  اور پرندوں  سے اس کے لشکر جمع کر دئیے گئے تو وہ پہلے ایک جگہ ترتیب سے روکے جاتے تھے پھر انہیں  کہیں  روانہ کیا جاتا تھا۔ مروی ہے کہ حضرت سلیمان عَلَیْہِ الصَّلٰوۃُ وَالسَّلَام کے لشکر کی جگہ ایک سو فرسخ (یعنی تین سو میل) میں  تھی۔ 25 فرسخ (یعنی 75 میل) جنوں  کے لئے، 25فرسخ انسانوں  کے لئے، 25 فرسخ پرندوں  کے لئے اور25 فرسخ وحشی جانوروں  کے لئے تھی۔( خازن، النمل، تحت الآیۃ: ۱۶، ۳ / ۴۰۴) فی زمانہ کی چھاؤنیوں  کا سسٹم دیکھ کر یہ بات کوئی بعید نہیں  لگتی۔

Reading Option

Ayat

Translation

Tafseer

Fonts Setting

Download Surah

Related Links