فیضانِ صحابیات بہاولپور
الحمد للہ مرشد کریم کی دعاؤں کے صدقے دعوتِ اسلامی کے تحت اسلامی بہنوں کا مدنی مرکز بنام فیضانِ صحابیات کوثر کالونی گلی نمبر 5 نزد ناظم محمد عمران معاذبہاولپور کا سنگِ بنیاد 5مارچ 2024 کو رکھا گیا اور باقاعدہ افتتاح 5 مارچ 2025 میں رکنِ شوریٰ حاجی محمد شاہد عطاری مدنی دامت برکاتہم العالیہ کے مبارک ہاتھوں سے ہوا۔
فیضانِ صحابیات میں ہونے والے دینی کام:
v الحمدللہ یہاں پر رہائشی کورسز اور مدنی مشوروں کا بھی اہتمام ہوتا ہے۔اس کے علاوہ وقتاً فوقتاً شارٹ کورسز بھی کروائے جاتے ہیں۔
v روزانہ شام 4 تا6بجے(چھوٹی بچیوں کو قرآنِ پاک کی تعلیم دینے کے لئے) گلی گلی مدرسۃ المدینہ لگایا جاتا ہے۔
v بروز بدھ دوپہر 3 تا5بجے اسلامی بہنوں کا ہفتہ وار سنتوں بھرا اجتماع ہوتا ہے جس میں شریک ہوکر اسلامی بہنیں علمِ دین کی برکتوں سے فیض یاب ہوتی ہیں۔
v روزانہ صبح10 تا12 بجے مدرسۃ المدینہ بالغات بھی لگتا ہے جس میں تربیت یافتہ اسلامی بہنیں بڑی عمر کی خواتین کو درست قواعد و مخارج کے ساتھ قرآنِ پاک کی تعلیم دینے کے ساتھ ساتھ ان کی شرعی،اخلاقی اور تنظیمی تربیت بھی کرتی ہیں۔
روزانہ دوپہر میں روحانی علاج کا بستہ لگایا جاتا ہے،جہاں دکھیاری اسلامی بہنوں کو روحانی علاج،کاٹ اور تعویذات و وظائف کی مفت سہولت بھی فراہم کی جاتی ہے۔ اللہ پاک فیضانِ صحابیات بہاولپور کو مزید ترقیوں سے نوازے ۔آمین
Comments