Book Name:Khatm e Daur e Risalat Pe Lakhon Salam
چرچے تھے کہ مُحَمَّد صَلَّی اللہ عَلَیْہِ وَ آلِہٖ وَ سَلَّمسب سے آخری نبی ہیں، جب آپ تشریف لے آئیں گے، اس کے بعد قیامت تک آپ ہی کے چرچے رہیں گے۔
سب سے اولی واعلیٰ ہمارا نبی سب سے بالا و والا ہمارا نبی
بزمِ آخر کا شمع فَروزاں ہوا نُورِ اوّل سکا جلوہ ہمَارا نبی
خلق سے اولیاء اولیاء سے رُسُل اور رَسولوں سے اعلیٰ ہمارا نبی
کیا خبر کتنے تارے کھلے چھپ گئے پر نہ ڈوبے نہ ڈوبا ہمارا نبی([1])
پیارے اسلامی بھائیو!یہ بات ہمیشہ یاد رکھئے کہ عقیدۂ خَتْمِ نبوت کوئی معمولی اہمیت کا عقیدہ نہیں ہے بلکہ یہ ضروریاتِ دِین میں سے ہے یعنی اِسْلام میں جو اہمیت عقیدۂ تَوحِیْد کی ہے، وہی اَہمیت عقیدۂ خَتْمِ نبوت کی بھی ہے، مسلمان ہونے کے لیے جس طرح لَا اِلٰہَ اِلَّا اللہ کا اِقْرار کرنا ضروری ہے، اِسی طرح پیارے نبی، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم کو آخری نبی ماننا بھی ضروری ہے۔([2]) کلمہ طَیبہ جسے پڑھ کر کافِر مسلمان ہوتا ہے؛لَا اِلٰہَ اِلَّا للہُ مُحَمَّدٌ رَّسُوْلُ اللہ اس کلمے میں جو لفظِ مُحَمَّد ہے، اُس سے کوئی اَور نہیں بلکہ وہ مَحْبُوبِ خُدا صَلَّی اللہ عَلَیْہِ وَ آلِہٖ وَ سَلَّم مُراد ہیں، جن کے سَر رَبِّ کائنات نے خَاتَمُ النَّبِیّیْن (یعنی سب سے آخری نبی)کا تاج سجایا ہے، اس لیے جو بندہ کلمہ طیبہ تَو پڑھے مگر حضرت مُحَمَّد صَلَّی اللہ عَلَیْہِ وَ آلِہٖ وَ سَلَّم کو آخری نبی نہ مانے، وہ ہرگز، ہرگز مسلمان نہیں ہو سکتا۔
بعد آپ کے ہر گز نہ آئے گا نبی نیا واللہ ! اِیماں ہے مرا، اے آخری نبی