فیضانِ صحابیات لاڑکانہ
الحمد للہ نگاہِ مرشد کی برکتیں لئے ہوئے دعوتِ اسلامی کے تحت اسلامی بہنوں کا مدنی مرکز بنام فیضانِ صحابیات باکرانی روڈ، لاڑکانہ کا باقاعدہ افتتاح 0222 میں جامعۃ المدینہ ذمہ دار کے بابرکت ہاتھوں سے ہوا۔
فیضانِ صحابیات لاڑکانہ میں ہونے والے دینی کام:
* الحمدللہ فیضانِ صحابیات لاڑکانہ میں رہائشی کورسز اور مدنی مشوروں کا بھی اہتمام ہوتا ہے۔اس کے علاوہ وقتاً فوقتاً شارٹ کورسز بھی کروائے جاتے ہیں۔
* روزانہ دوپہر 2 تا3:30 بجے(چھوٹی بچیوں کو قرآنِ پاک کی تعلیم دینے کے لئے) گلی گلی مدرسۃ المدینہ لگایا جاتا ہے۔
* بروز بدھ دوپہر 3 تا5بجے اسلامی بہنوں کا ہفتہ وار سنتوں بھرا اجتماع ہوتا ہے جس میں شریک ہوکر اسلامی بہنیں علمِ دین کے مدنی پھول حاصل کرتی ہیں۔
* روزانہ دوپہر 3 تا 4 بجے مدرسۃ المدینہ بالغات بھی لگتا ہے جس میں تربیت یافتہ اسلامی بہنیں بڑی عمر کی خواتین کو درست قواعد و مخارج کے ساتھ قرآنِ پاک کی تعلیم دینے کے ساتھ ساتھ ان کی شرعی،اخلاقی اور تنظیمی تربیت بھی کرتی ہیں۔
اتوارصبح 10تا 12بجے تک روحانی علاج کا بستہ لگایا جاتا ہے،جہاں دکھیاری اسلامی بہنوں کو روحانی علاج،کاٹ اور تعویذات و وظائف کی مفت سہولت بھی فراہم کی جاتی ہے۔اللہ پاک فیضانِ صحابیات لاڑکانہ کو مزید برکتیں عطا فرمائے۔آمین
Comments