میری اُمَّت کی اَفْضَل ترین عبادت ہے۔^([1])

رَجَب شریف میں پڑھنے کی دُعا

پیارے اسلامی بھائیو! اَلحمدُ للہ!رَجَب شریف کی آمد ہو چکی ہے، رَجَب بہت بابرکت اور عزّت و حُرمت والا مہینا ہے، جنّتی صحابی حضرت انس بن مالِک  رَضِیَ اللہ عنہ  فرماتے ہیں: رَجَب شریف کا مہینا آتا تو اللہ پاک کے مَحْبُوب نبی، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم  یہ دُعا کیا کرتے:

اَللّٰہُمَّ بَارِکْ لَنَا فِی رَجَبٍ وَّ شَعْبَانَ وَبَلِّغْنَا رَمَضَان

ترجمہ: اے اللہ پاک! تُو ہمارے لئے رجب اور شعبان میں برکتیں عطا فرما اور ہمیں رمضان تک پہنچا۔^([2])

آئیے! ہم بھی یہ دُعا پڑھ لیتے ہیں:

اَللّٰہُمَّ بَارِکْ لَنَا فِی رَجَبٍ وَّ شَعْبَانَ وَبَلِّغْنَا رَمَضَان

اٰمِیْن بِجَاہِ خَاتَمِ النَّبِیّٖن صَلَّی اللہ عَلَیْہِ وَ آلِہٖ وَ سَلَّم  

مَشْہُور مُفَسِّرِ قرآن، مفتی احمد یار خان نعیمی رَحمۃُ اللہ علیہ اِس حدیثِ پاک کی شرح میں فرماتے ہیں: اِس دُعائے مصطفےٰ (صَلَّی اللہ عَلَیْہِ وَ آلِہٖ وَ سَلَّم  ) کا مطلب یہ ہے کہ اے اللہ پاک! رجب میں ہماری عبادتوں میں بَرَکت دے اور شعبان میں خشوع و خضوع عطا کر اور رمضان کو پانا، اس میں روزے رکھنا، راتوں کو عبادت کرنا نصیب فرما۔ ^([3])