DONATE NOW donation

Home Al-Quran Surah Fussilat Ayat 12 Urdu Translation Tafseer

رکوعاتہا 6
سورۃ ﳪ
اٰیاتہا 54

Tarteeb e Nuzool:(61) Tarteeb e Tilawat:(41) Mushtamil e Para:(24-25) Total Aayaat:(54)
Total Ruku:(6) Total Words:(898) Total Letters:(3325)
12

فَقَضٰىهُنَّ سَبْعَ سَمٰوَاتٍ فِیْ یَوْمَیْنِ وَ اَوْحٰى فِیْ كُلِّ سَمَآءٍ اَمْرَهَاؕ-وَ زَیَّنَّا السَّمَآءَ الدُّنْیَا بِمَصَابِیْحَ ﳓ وَ حِفْظًاؕ-ذٰلِكَ تَقْدِیْرُ الْعَزِیْزِ الْعَلِیْمِ(۱۲)
ترجمہ: کنزالایمان
تو اُنہیں پورے سات آسمان کردیا دو دن میں اور ہر آسمان میں اسی کے کام کے احکام بھیجے اور ہم نے نیچے کے آسمان کو چراغوں سے آراستہ کیا اور نگہبانی کے لیے یہ اس عزت والے علم والے کا ٹھہرایا ہوا ہے


تفسیر: ‎صراط الجنان

{فَقَضٰىهُنَّ سَبْعَ سَمٰوَاتٍ فِیْ یَوْمَیْنِ: تو اللہ نے انہیں  دو دن میں  سات آسمان بنادیا۔} اس آیت میں  چار چیزیں  بیان کی گئی ہیں  ،

(1)…جب اللہ تعالیٰ نے آسمان کو پیدا کرنے کا قصد فرمایا تو اس نے دو دن میں  سات آسمان بنادئیے۔یہ کل چھ دن ہوئے جن میں  کائنات کی تخلیق ہوئی ۔

(2)…اللہ تعالیٰ نے ہر آسمان میں  اس کے کام کے احکام بھیج دیئے۔اس سے مراد یہ ہے کہ اللہ تعالیٰ نے ہر آسمان میں  وہاں  کے رہنے والوں  کو طاعت و عبادت اورامرو نہی کے احکام بھیج دیئے،

(3)…اللہ تعالیٰ نے سب سے نیچے والے آسمان کوجو زمین سے قریب ہے چراغ کی طرح روشن ہونے والے ستاروں  سے آراستہ کیا اورباتیں  چرانے والے شیطانوں  سے آسمان کی حفاظت کے لیے ستارے بنائے۔

(4)…یہ بہترین نظام اس اللہ تعالیٰ کا مقرر کیا ہوا ہے جو سب پر غالب اور اپنی مخلوق اوران کی حرکات و سَکَنات کا علم رکھنے والا ہے۔(خازن ، فصلت ، تحت الآیۃ : ۱۲ ، ۴ / ۸۲ ، مدارک ، فصلت، تحت الآیۃ: ۱۲، ص۱۰۷۰-۱۰۷۱، جلالین، فصلت، تحت الآیۃ: ۱۲، ص۳۹۷، ملتقطاً)

Reading Option

Ayat

Translation

Tafseer

Fonts Setting

Download Surah

Related Links