اُس کے اَنْجام اور سزا کا سوچ کر دِل پر غم چھا گیا اور مجھے رونا آ گیا۔

آپ جب یہ جواب دے رہے تھے (یعنی کل کے رونے کا سبب بتا رہے تھے)، بتاتے بتاتے آپ پر پِھر رِقّت طاری ہوئی اور آپ نے پِھر سے رونا شروع کر دیا۔ ^([1])

مرے اشک بہتے رہیں   کاش ہر دم                                       تِرے خوف سے یاخدا یاالٰہی!

تِرے خوف سے تیرے ڈر سے ہمیشہ      میں   تھر تھر رہوں   کانپتا یاالٰہی!^([2])

صَلُّوْا عَلَی الْحَبِیْب!                                               صَلَّی اللہ عَلٰی مُحَمَّد

قہقہہ شیطان کی طرف سے

پیارے اسلامی بھائیو!  اللہ پاک کے نیک بندے  کا یہ حَسِین و خوبصُورت واقعہ اپنے اندر نصیحت کی بہت باتیں لئے ہوئے   ہے۔ 

پہلے یہ بات یاد رکھ لیجیے! * ایک ہے:تَبَسُّم؛ یعنی صِرْف مسکرانا (Smile)کہ آواز پیدا نہ ہو، یہ سُنّت ہے۔ پیارے آقا، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم بہت زیادہ مسکرایا کرتے تھے۔ حضرت جَرِیر  رَضِیَ اللہ عنہ  فرماتے ہیں: میں نے محبوبِ ذیشان، مکی مدنی سلطان صَلَّی اللہ عَلَیْہِ وَ آلِہٖ وَ سَلَّم کو جب بھی دیکھا، مسکراتے ہوئے ہی دیکھا ۔ ^([3])

جس کی تسکیں سے روتے ہوئے ہنس پڑیں  اُس تَبَسُّم کی عادَت پہ لاکھوں سلام^([4])

وضاحت:جس کے دلاسے دینے، ڈھارس بندھانے سے  غمزدہ دلوں کی کلیاں کِھل اٹھتی ہیں