بڑا دِل پر بُرا اَثَر(Bad Effect) ڈالتا ہے،  اللہ پاک قرآنِ کریم میں ارشاد فرماتا ہے:

كَلَّا بَلْٚ- رَانَ عَلٰى قُلُوْبِهِمْ مَّا كَانُوْا یَكْسِبُوْنَ(۱۴)(پارہ:30،مُطَفِّفِین:14)

تَرْجمۂ کَنْزُالعِرْفان: بلکہ ان کے کمائے ہوئے اعمال نے ان کے دلوں پر زنگ چڑھا دیا ہے

دِل کا اُجْڑا چمن ہو پھر آباد                                                                                     کوئی ایسی ہَوا چَلا یارَبّ!

نفس و شیطان ہو گئے غالِب                                                                   اُن کے چُنگل سے تُو چُھڑا یارَبّ!

نِیْم جاں کر دیا گُنَاہوں نے                                                                               مَرضِ عِصْیاں سے دے شِفا یارَبّ!

واسطہ میرے پیر و مرشِد کا                                                                         مجھ       کو         تُو        متقی        بنا        یارَبّ!^([1])

دِل نرم کرنے کے 3 نسخے

دِل کی سختی مٹانے، دِل نرم کرنے کے 3 نسخے پیش کرتا ہوں:

(1):ذِکْرُ اللہ

ذِکْرُ اللہ کی کثرت کرنے سے دِل کا زنگ دُور ہوتا ہے۔ حدیث شریف میں ہے، اللہ پاک کے حبیب، دِلوں کے طبیب   صلی اللہ عَلَیْہِ وَ آلِہٖ وَسَلَّم  نے فرمایا: بےشک جیسے لوہے(Iron) پر زَنگ چڑھتا ہے،ایسے ہی دِل بھی زَنگ آلود ہو جاتے ہیں۔عرض کی گئی:یا رسولَ اللہ   صلی اللہ عَلَیْہِ وَ آلِہٖ وَسَلَّم ! دِل کے زَنگ کا علاج کیا ہے؟فرمایا: مَوت کو کثرت سے یاد کرنا اور ذِکْرُ اللہ کی کثرت کرنا۔^([2])

کاش لَبْ پر مِرے رہے جاری                                                         ذِکْر آٹھوں پَہَر ترا یاربّ!