نصیحت بھری پوسٹیں شیئر (Share)کی جاتی ہیں، اچھے اچھے سٹیٹس شیئر  کیے جاتے ہیں، ان پر عمومی رَدِّ عَمَل یہ ہوتا ہے کہ پوسٹ پڑھی، سٹیٹس پر لگائی اور فارِغ ہو گئے۔

یہ بھی نیکی کی دعوت ہے، نیّت  اچھی ہو تو ثواب کا کام ہے، ہمیں یہ کام کرنا چاہیے، اُلٹے اُلٹے سٹیٹس لگانے سے تو 100 فیصد بہتر ہے مگر بھائی جان...!! عَمَل کہاں ہے؟ قرآنِ کریم کی آیت، حدیثِ پاک، بزرگوں کا فرمان پوسٹ کی صُورت میں ہم تک پہنچا تھا تاکہ ہم پڑھ کر اُس پر عَمَل کریں، ہم نے دوسروں تک پہنچایا اور بات خَتْم۔ یہ سخت ناپسندیدہ بات ہے۔

اعلیٰ حضرت رحمۃُ اللہِ علیہ کی سیرت سے ہمیں یہ سبق ملتا ہے کہ ہم اچھی باتیں دوسروں کو بتانے، پہنچانے تک ہی نہ رہیں بلکہ خُود عَمَل کی بھی عادت بنایا کریں۔

(2):مسجد کو بُو سے بچایا کیجیے!

سیرتِ رضا کے پیارے پیارے واقعہ سے دوسری بات یہ مَعْلُوم ہوئی کہ مسجد کو بدبُو سے بچانا نہایت ضروری ہے۔ گرمی کا موسَم ہے، پسینہ آیا، کپڑوں سے بدبُو اُٹھنے لگی٭یونہی مُنہ سے بدبُو آ رہی ہو٭کچّی پیاز کھا لی٭کچّا لَہْسن کھا لیا٭کچّے لَہْسن اور پیاز والی مختلف چٹنیاں کھا لیں٭دہی بھلّے اور گول گپّوں وغیرہ میں عموماً کچّے پیاز ڈلتے ہیں، وہ کھا لیے ، مُنہ میں بدبُو ہو گئی، ایسی حالت میں مسجد میں آنا منع ہے۔^([1]) اِس لیے  کہ مسجد اللہ پاک کا گھر ہے، قرآنِ کریم میں ہے:

                                                                                                                                                        اَنَّ الْمَسٰجِدَ لِلّٰهِ (پارہ:29، سورۂ جن:18)

                                                                                                                                                                                                                    تَرْجمۂ کَنْزُالعِرْفان: یہ کہ مسجدیں اللہ ہی کی ہیں۔

لہٰذا ہم سب کا اَوَّلِیْن حق بنتا ہے کہ مسجد کو بدبُو سے لازمی طور پر بچایا کریں۔ اعلیٰ حضرت رحمۃُ اللہِ علیہ کا کمال تقویٰ دیکھیے! دِیا سلائی جلانے سے صِرْف چند سیکنڈ کے لیے  بُو