اب صحابۂ کرام  رَضِیَ اللہُ عنہم جیسے عظیم عاشِق ہوں، سامنے محبوبِ ذیشان، مکی مَدَنی  سلطان صَلَّی اللہُ عَلَیْہِ وَ آلِہٖ وَسَلَّم  جیسی ہستی ہوں، ممکن ہی نہیں ہے کہ صحابۂ کرام رَضِیَ اللہُ عنہم کے دِل میں مَحْبُوب  صَلَّی اللہُ عَلَیْہِ وَ آلِہٖ وَسَلَّم  کے مُتَعَلِّق کوئی منفی خیال آجائے، اِس کے باوُجُود پیارے آقا، مکی مَدَنی  مصطفےٰ صَلَّی اللہُ عَلَیْہِ وَ آلِہٖ وَسَلَّم  نے اُنہیں بتایا کہ یہ میری زوجہ ہیں۔ صحابۂ کرام رَضِیَ اللہُ عنہما نے ادب سے عرض کیا: سُبْحٰنَ اللہ!یارسولَ اللہ صَلَّی اللہُ عَلَیْہِ وَ آلِہٖ وَسَلَّم ! یعنی اے پیارے مَحْبُوب  صَلَّی اللہُ عَلَیْہِ وَ آلِہٖ وَسَلَّم ! ہم سے ایسا گمان بھی نہیں ہو سکتا کہ آپ کے مُتَعَلِّق کوئی منفی خیال دِل میں لائیں گے۔ حُضُورِ اکرم صَلَّی اللہُ عَلَیْہِ وَ آلِہٖ وَسَلَّم  نے فرمایا: بیشک شیطان آدمی کے خُون کے ساتھ رگوں میں دوڑتا ہے، مجھے خوف ہوا کہ وہ تمہارے دِل میں کوئی منفی خیال نہ ڈال دے۔^([1])

سُبْحٰنَ اللہ!یہ پیارے آقا، مکی مدنی مصطفےٰ صَلَّی اللہُ عَلَیْہِ وَ آلِہٖ وَسَلَّم  کا مبارَک انداز ہے۔ ہمیں بھی یہ انداز اپنانا چاہئے۔ اللہ پاک ہمیں عمل کی توفیق عطا فرمائے۔ آمِیْن بِجَاہِ خَاتَمِ النَّبِیّٖن صَلَّی اللہُ عَلَیْہِ وَ آلِہٖ وَسَلَّم۔ 

مجھے غیبت و چغلی و بَدگُمانی                                                                                  کی  آفات  سے  تُو  بچا   یاالٰہی!^([2])

اعلیٰ حضرت رحمۃُ اللہِ علیہ کا مُخْتَصَرتعارف

پیارے اسلامی بھائیو! اے عاشقانِ رضا! اعلیٰ حضرت رحمۃُ اللہِ علیہ ٭ عاشقوں کے امام ہیں ٭سُنّیوں کے امام ہیں٭عَالِموں کے امام ہیں٭عَابِدوں کے امام ہیں٭زَاہِدوں کے امام ہیں ٭اَہْلِ تقویٰ کے امام ہیں٭فُقَہا، مُحَدِّثِین، مُفَسِّرِین کےامام ہیں ٭آپ مُجَدِّد بھی ہیں ٭مُفَسِّر بھی ہیں ٭مُحَدِّث بھی ہیں ٭بہت بڑے عالِم بھی ہیں ٭انتہائی ذہین (Intelligent)مفتی