نہیں !  نہیں... ! ! غَم کی آندھیاں چل رہی ہیں ،  ظُلْم و سِتَم کے پہاڑ ٹوٹ رہے ہیں اور نواسۂ رسول قرآن و سُنّت کو مضبوط تھامے ہر ہر قدم عین شریعت کے مطابق اُٹھاتے ہیں ،  آخر شہادت کو سینے سے لگا لیتے ہیں مگر آپ کی ہمّت اور حوصلے میں ذَرَّہ برابر بھی کمی نہیں آتی۔

ابنِ علی کے جیسا کوئی دوسرا نہیں         تیغوں کے سائے میں بھی جو دِل باختہ نہیں

ہو مثل آپ کے جو مہک دار یاحُسَین      صحنِ چمن میں کوئی گُل ایسا کِھلا نہیں

ہر سُو رواں ہے آج بھی سِکَّہ حُسَین کا      سِکَّہ یزیدیوں کا کہیں پر چلا نہیں

اے عاشقانِ رسول !   یہ سب باتیں عرض کرنے کا مقصد یہ ہے کہ دیکھئے !  آج کے مفکرین کامیابی ،  ترقی اور انقلاب کے جو راستے دکھاتے ہیں ،  لمبے لمبے لیکچر ( Lecture )  دیتے ہیں ،  یہ سب باتیں آج سے تقریباً 1 ہزار 3سو 82سال پہلے شہزادۂ کونین ،  امام حُسَیْن رَضِیَ اللہ عنہ  کر کے دِکھا چکے ہیں ،  میدانِ کربلا میں یہ سب نظریات موجود ہیں۔

وہ مشرقی پُکار ہو یا مغربی صدا               تفریقِ رنگ و نسل پہ غالِب ہے کربلا

شاعِر کسی خیال کا ہو یا کوئی اَدِیب          واعِظ کسی دیار کا ہو یاکوئی خطیب

دیکھو تو سلسلہ ادبِ مَشْرِقَیْن کا             دُنیا کی ہر زبان پہ قبضہ حُسَیْن کا

صَلُّوْا عَلَی الْحَبیب !                                                                                                صَلَّی اللّٰہُ عَلٰی مُحَمَّد

کیا ہم واقعی حسینی ہیں...؟؟

اے عاشقانِ رسول !   ہم نے سُنا !  کربلا ایک دَرْسِ زِندگی ہے ،  آج کے مفکرِین جو نظریات بیان کر کے اپنی دُکان چمکاتے ہیں ،  امامِ عالی مقام ،  امام حُسَیْن رَضِیَ اللہ عنہ  وہ سب کچھ ہمیں پہلے سے میدانِ کربلا میں کر کے دِکھا چُکے ہیں۔ اب ہم نے غَور یہ کرنا ہے کہ کیا ہم