Hum Nay Karbala Say Kia Seekha

Al Quran Books Madani Channel

Magazine Courses Media

اسی طرح ایک غیر مسلم مُفَکِّرہے ، اُس نے اپنے طَور پر ایک تجزیہ کیا اور کہا : زِندگی میں کامیابی کے 3 اُصُول ہیں : ( 1 ) : بُھوک برداشت کرنے کی طاقت ( 2 ) : انتظار ( 3 ) : سوچنے سمجھنے کی صلاحیت۔

یہ تین اُصُول ایک غیر مسلم مُفَکِّر نے بیان کئے ، ذرا اِن تینوں اُصُولوں کو سامنے رکھ کر واقعۂ کربلا کو ذِہن میں لائیے ! کربلا میں ہمیں یہ تینوں باتیں ملتی ہیں :

( 1 ) : غیر مسلم مُفَکِّر نے کہا : کامیابی کے لئے بھوک برداشت کرنے کی طاقت ضروری ہے ، میدانِ کربلا میں ہم دیکھتے ہیں؛ سخت گرمی ہے ، ریگستان ہے ، دہکتی ہوئی زمین ہے اور دِن کی سخت بھوک پیاس ہے ، امام حُسَیْن رَضِیَ اللہ عنہ سے لے کر ننھے شہزادے حضرت علی اَصْغَر رَضِیَ اللہ عنہ تک سب پیاسے ہیں ، خالی پیاس ہوتی تو اور بات تھی ، یہاں حالتِ پیاس میں جنگ بھی ہے ، اپنی طرف سے جنگ کرنے کا کوئی اِرادہ بھی نہیں ہے ، اللہ و رسول کی عطاسے سب کچھ کرنے کی ہمت و طاقت بھی ہے ، اِختیار بھی ہےمگر قربان جائیے ! سخت پیاس بھی ان بُلند رُتبہ ہستیوں کے پاؤں اُکھاڑ نہیں پاتی ، تازَہ دَم یزیدی لشکروں کی یلغار انہیں راہِ حق سے ہٹا نہیں پاتی ، آلِ رسول کے شیر صِفَّت جوان سخت پیاس کے باوُجُود یزیدیوں کے پرخچے اُڑاتے ہیں ، یہ ان کی بے مثال استقامت اور باکمال قُوّتِ برداشت ہے کہ یہ پیاسے رِہ کر بہادری کے جوہَر دکھاتے ہوئے شہادت کو تو گلے سے لگا لیتے ہیں مگر حق بات سے ذَرّہ برابر بھی پیچھے نہیں ہٹتے۔

یوں تو شہید لاکھوں ہوئے ہیں یہاں مگر رُتبہ کسی کو آپ کے جیسا مِلا نہیں

Important

Mobile Apps

Contact Us