DONATE NOW donation

Home Al-Quran Surah An Nahl Ayat 80 Urdu Translation Tafseer

رکوعاتہا 16
سورۃ ﰇ
اٰیاتہا 128

Tarteeb e Nuzool:(70) Tarteeb e Tilawat:(16) Mushtamil e Para:(14) Total Aayaat:(128)
Total Ruku:(16) Total Words:(2082) Total Letters:(7745)
80

وَ اللّٰهُ جَعَلَ لَكُمْ مِّنْۢ بُیُوْتِكُمْ سَكَنًا وَّ جَعَلَ لَكُمْ مِّنْ جُلُوْدِ الْاَنْعَامِ بُیُوْتًا تَسْتَخِفُّوْنَهَا یَوْمَ ظَعْنِكُمْ وَ یَوْمَ اِقَامَتِكُمْۙ-وَ مِنْ اَصْوَافِهَا وَ اَوْبَارِهَا وَ اَشْعَارِهَاۤ اَثَاثًا وَّ مَتَاعًا اِلٰى حِیْنٍ(۸۰)
ترجمہ: کنزالایمان
اور اللہ نے تمہیں گھر دئیے بسنے کو اور تمہارے لیے چوپایوں کی کھالوں سے کچھ گھربنائے جو تمہیں ہلکے پڑتے ہیں تمہارے سفر کے دن اور منزلوں پر ٹھہرنے کے دن اور ان کی اون اور ببری(اونٹ کے بال) اور بالوں سے کچھ گِرَستی (گھریلو ضروریات) کا سامان اور برتنے کی چیزیں ایک وقت تک


تفسیر: ‎صراط الجنان

{وَ اللّٰهُ جَعَلَ لَكُمْ مِّنْۢ بُیُوْتِكُمْ سَكَنًا: اور اللّٰہ نے تمہارے گھروں کو تمہاری رہائش بنایا۔}اِس آیت میں  بھی اللّٰہ تعالیٰ کی وحدانیت کے دلائل اور بندوں  پر اللّٰہ تعالیٰ کی نعمتوں  کا ذکر کیا گیا ہے۔( تفسیرکبیر، النحل، تحت الآیۃ: ۸۰، ۷ / ۲۵۲)    آیت کا خلاصہ یہ ہے کہ اللّٰہ تعالیٰ نے تمہاری رہائش کیلئے اینٹوں  اور پتھروں  سے تمہارے گھروں  کو بنایا جن میں  تم آرام کرتے ہو اور اس نے تمہارے لیے جانوروں  کی کھالوں  سے خیموں  کی شکل میں  کچھ گھر بنائے جنہیں  تم اپنے سفر کے دنوں  میں  اٹھاکر چلتے وقت اور منزلوں  پر قیام کے وقت لگانے کیلئے بڑا ہلکا پھلکا پاتے ہو اور اسی اللّٰہ عَزَّوَجَلَّ نے تمہارے لئے بھیڑوں  کی اُون، اونٹوں  کی پشم اور بکریوں  کے بالوں  سے گھریلو سامان مثلاً بچھانے ، اوڑھنے کی چیزیں  اور ایک مدت تک فائدہ اٹھانے کے اَسباب بنائے۔( جلالین، النحل، تحت الآیۃ: ۸۰، ص۲۲۳، خازن، النحل، تحت الآیۃ: ۸۰، ۳ / ۱۳۶-۱۳۷، ملتقطاً)

Reading Option

Ayat

Translation

Tafseer

Fonts Setting

Download Surah

Related Links