Surah Al Mudassir Ayat 40 Urdu Translation Tafseer

Para 29 - تَبٰرَكَ الَّذِیْ

سورة المدثر

Audio PDF

بِسْمِ اللّٰهِ الرَّحْمٰنِ الرَّحِیْمِ

74.40-47

فِیْ جَنّٰتٍﰈ یَتَسَآءَلُوْنَۙ (40) عَنِ الْمُجْرِمِیْنَۙ (41) مَا سَلَكَكُمْ فِیْ سَقَرَ(42) قَالُوْا لَمْ نَكُ مِنَ الْمُصَلِّیْنَۙ (43) وَ لَمْ نَكُ نُطْعِمُ الْمِسْكِیْنَۙ (44) وَ كُنَّا نَخُوْضُ مَعَ الْخَآىٕضِیْنَۙ (45) وَ كُنَّا نُكَذِّبُ بِیَوْمِ الدِّیْنِۙ (46) حَتّٰۤى اَتٰىنَا الْیَقِیْنُﭤ(47)

Kanz ul Iman Kanz ul Irfan

کنزالعرفان

باغوں میں ہوں گے ۔ وہ پوچھ رہے ہوں گے ۔ مجرموں سے۔ کون سی چیزتمہیں دوزخ میں لے گئی؟ وہ کہیں گے:ہم نمازیوں میں سے نہیں تھے ۔ اور مسکین کو کھانا نہیں کھلاتے تھے۔ اور بیہودہ فکر والوں کے ساتھ بیہودہ باتیں سوچتے تھے۔ اور ہم انصاف کے دن کو جھٹلاتے رہے۔ یہاں تک کہ ہمیں موت آئی۔

تفسیر : ‎صراط الجنان

{فِیْ جَنّٰتٍﰈ یَتَسَآءَلُوْنَ: باغوں میں ہوں گے۔ وہ پوچھ رہے ہوں گے۔} اس آیت اور اس کے بعد والی 7آیات کا خلاصہ یہ ہے کہ ایمان والے آخرت میں باغوں میں ہوں گے اور جب جہنم میں داخل ہونے والے مومن اس سے نکل جائیں گے تو جنتی کافروں سے ان کا حال پوچھیں گے کہ تمہیں کون سی چیزدوزخ میں لے گئی؟وہ انہیں جواب دیتے ہوئے کہیں گے:ہم دنیا میں نماز پڑھنے والوں میں سے نہیں تھے کیونکہ ہم نماز کے فرض ہونے کا اعتقاد نہیں رکھتے تھے اور مسلمانوں کی طرح مسکین پر صدقہ نہیں کرتے تھے اور اللّٰہ تعالیٰ کی آیات کے بارے میں بیہودہ فکر کرنے والوں کے ساتھ بیٹھ کر بیہودہ باتیں سوچتے تھے اور ان کے بارے میں جھوٹی باتیں بولتے تھے اور ہم انصاف کے اس دن کو جھٹلاتے رہے جس میں اعمال کا حساب ہوگا اور ان کی جزا دی جائے گی ،یہاں تک کہ ہمیں موت آئی اور ہم ان مذموم افعال کی وجہ سے ہمیشہ کے لئے جہنم میں داخل ہو گئے۔( مدارک،المدثر،تحت الآیۃ:۴۰-۴۷،ص۱۳۰۰-۱۳۰۱، جلالین مع صاوی، المدثر، تحت الآیۃ: ۴۰-۴۷، ۶ / ۲۲۷۳ -۲۲۷۴، روح البیان، المدثر، تحت الآیۃ: ۴۰-۴۷، ۱۰ / ۲۴۰، ملتقطاً)

Next Ayat Prev Ayat