عبادت میں گزرے مِری زندگانی       کرم ہو کرم یاخدا یا الٰہی

دے شوقِ تلاوت دے ذوقِ عبادت      رہوں بَاوُضو میں سدا یا الٰہی

صَلُّوا عَلَي الحَبيب!                                                صَلَّي اللّٰه ُعَلٰي مُحَمَّد

 امام جعفر صادِق رَحْمَةُ اللهِ عَلَيۡه جو مبارڪ تذڪرو

 اي عاشقانِ رسول! 15 رجب المرجب تي يومِ امامِ جعفر صادِق رَضِىَ اللهُ عَنۡه آهي، هن مناسبت سان اچو! برڪت جي لاءِ امام جعفر صادِق رَضِىَ اللهُ عَنۡه جو مختصر تذڪرو ٻڌون ٿا۔

امام جعفر صادِق رَضِىَ اللهُ عَنۡه  جو مختصر تعارُف

پاڻ رَضِىَ اللهُ عَنۡه نالو: جعفر ۽ ڪنيت: ابو عبد الله آهي۔ امام جعفر رَضِىَ اللهُ عَنۡه جي سچائي تمام گھڻي مشهور هئي، ان ڪري کين صادِق (يعني سچ ڳالهائڻ وارو) چيو ويندو آهي۔^([1]) امام جعفر رَضِىَ اللهُ عَنۡه 80 هجري ۾ پيدا ٿيا۔ پاڻ حسيني سيد آهن۔ پاڻ امام محمد باقِر رَضِىَ اللهُ عَنۡه جا پٽ، امام زينُ العابدينرَضِىَ اللهُ عَنۡه جا پوٽا ۽ سَيدُ الشُّهداء، شَهيدِ ڪربلا حضرت امام حسين رَضِىَ اللهُ عَنۡه جا پڙ پوٽا آهن۔ امام جعفر صادِق رَضِىَ اللهُ عَنۡه جي نسب شريف بابت هڪ وڏي دلچسپ ڳالھ اها آهي ته سندن والده محترمه حضرت اُمِّ فَرْوَه رَضِىَ اللهُ عَنۡها مسلمانن جي پهرين خليفي حضرت ابو بڪر صديق رَضِىَ اللهُ عَنۡه جي اَوْلاد مان آهن۔ ايئن امام جعفر صادِق رَضِىَ اللهُ عَنۡه والِد طرفان حسيني آهن ۽ والِده طرفان صديقي آهن۔^([2])

حضرت امام جعفر صادِق رَضِىَ اللهُ عَنۡه 68 سال هن دُنيا ۾ تشريف فرما رهيا، پاڻ 15 رجب المرجب، 148 هجري تي وِصَال فرمايائون۔ سندن مزار مبارڪ جنّتُ البقيع ۾ آهي۔^([3])