وجہ یہ ہے کہ عرب لوگ اس مہینے کی بہت زیادہ تعظیم کیا کرتے تھے اور اس میں لڑائی جھگڑا کرنا حرام  سمجھتے تھے۔^([1])

       رجب کا ایک نام شہر اَصَمّ بھی ہے اعلیٰ حضرت امام احمد رضاخان رَحْمَۃُ اللّٰہِ عَلَیْہ فتاوی رضویہ میں اس نام کی وجہ کچھ یوں ارشاد فرماتے ہیں:ہر مہینہ اپنے ہر قسم وقائع (واقعات)کی گواہی دے گا سوائے رجب کے کہ حَسَنات(اچھائیاں) بیان کرے گا اور سیئات(برائیوں)کے ذکر پر کہے گا میں بہرا تھا مجھے خبر نہیں،اس لئے اسے ”شہر اَصَم“ کہتے ہیں۔^([2])

زبان کی حفاظت کیجئے:

       عارِف بِاللہشیخ ضیاءُ الدین عبدُالعزیزرَحْمَۃُ اللّٰہِ عَلَیْہ بعض علماسےنقل فرماتے ہیں:جب دورِ جاہلیت میں لوگ (رَجَب کے مہینے میں)نیزے چھپا لیتے اور جنگ سے رُک جاتے تھے تو مسلمان اس میں اپنی زبانوں کی حفاظت کیوں نہیں کرتے اوربےحُرمتی سے کیوں نہیں رُکتے۔بے شک بعض مواقع پر زبان ننگی تلوار اور نیزۂ نوک دار سے زیادہ نقصان دہ ہوتی ہے۔^([3])