دعوت اسلامی کے شعبہ جات کی مدنی خبریں

بڑی گیارہویں شریف: دعوتِ اسلامی کے زیرِ اہتمام ماہِ ربیعُ الآخِر 1441ھ میں بڑی گیارھویں شریف عقیدت و احترام سے منائی گئی۔ عالمی مدنی مرکز فیضانِ مدینہ کراچی میں یکم تا11ربیعُ الآخِرروزانہ رات بعد نمازِ عشا مدنی مذاکروں کا سلسلہ ہوا جس میں شیخِ طریقت، امیرِ اہلِ سنّت حضرت علّامہ مولانا محمد الیاس عطاؔر قادری دَامَتْ بَرَکَاتُہُمُ الْعَالِیَہ نے عاشقانِ رسول کی جانب سے پوچھے جانے والے سوالات کے علم و حکمت بھرے جوابات دیئے،مدنی مذاکروں سے قبل روزانہ جلوسِ غوثیہ کا سلسلہ بھی ہوا۔ ربیعُ الآخر کی گیارھویں شب ملک بھر میں کم و بیش481 مقامات پر اجتماعاتِ غوثیہ منعقد ہوئے ۔

قافلہ اجتماع، نگرانِ شوریٰ کا خصوصی بیان: مدنی مرکز فیضانِ مدینہ کاہنہ نو لاہور میں13دسمبر2019ء بروز جمعہ کو عظیمُ الشان قافلہ اجتماع منعقد کیا گیا جس میں دعوتِ اسلامی کی مرکزی مجلسِ شوریٰ کے نگران مولانا محمد عمران عطاری مُدَّظِلُّہُ الْعَالِی نے سنّتوں بھرا بیان فرمایا۔ نگرانِ شوریٰ نے دین کی راہ میں نبیِّ کریم صلَّی اللہ علیہ واٰلہٖ وسلَّم اور دیگر بزرگانِ دین کی قربانیوں کا تذکرہ فرماکر شرکا کو دین کے لئے قربانی دینے کی ترغیب دلائی۔ اجتماعِ پاک میں جانشینِ عطار مولانا عُبید رضا عطاری مدنی مُدَّظِلُّہُ الْعَالِی نے عاشقانِ رسول سے ملاقات بھی فرمائی نیز اراکینِ شوریٰ حاجی محمد شاہد عطاری، مولانا عبدُالحبیب عطاری، حاجی سیّد ابراہیم عطاری، حاجی یعفور رضا عطاری، حاجی امین عطاری، حاجی محمد شاہد عطاری مدنی، حاجی امین قافلہ عطاری، حاجی منصور رضا عطاری، حاجی علی رضا عطاری، حاجی اسلم عطاری، حاجی رفیع عطاری، حاجی برکت علی عطاری اور ذمّہ دارانِ دعوتِ اسلامی سمیت عاشقانِ رسول کی بڑی تعداد شریک ہوئی۔

N.E.Dیونیورسٹی کراچی میں محفلِ نعت:پچھلے دنوں کراچی کی معروف  N.E.D انجینئرنگ یونیورسٹی کے مین آڈیٹوریم میں محفلِ نعت کا انعقاد کیا گیا جس میں شیخُ الحدیث و التفسیر مفتی محمدقاسم قادری مُدَّظِلُّہُ الْعَالِی نے خصوصی بیان فرمایا۔محفلِ پاک میں کثیر اساتذہ و طلبہ،  ڈین آف ڈیپارٹمنٹ اور چیئرمینز نے شرکت کی۔

المدینۃُ العلمیہ کے اسلامی بھائیوں کا اجتماع: 25دسمبر2019ء بروز بدھ

عالمی مدنی مرکز فیضانِ مدینہ کراچی میں المدینۃُ العلمیہ کے اسلامی بھائیوں کا سنّتوں بھرا اجتماع منعقد ہوا۔ یہ اجتماع مرکزی جامعۃُ المدینہ کے درجہ دورۃُ الحدیث شریف میں ہوا جس میں شیخُ الحدیث و التفسیر مفتی محمد قاسم عطاری مُدَّظِلُّہُ الْعَالِی نے سنّتوں بھرا بیان کیا اور شرکا کو مختلف اُمور (مطالعہ، وقت کی اہمیت، زہدوتقویٰ وغیرہ) کے حوالے سے اہم نِکات فراہم کئے۔ مفتی صاحب نے کثیرُ التصانیف علما و بزرگانِ دین رحمۃ اللہ علیہم کے مختصر حالات بھی بیان فرمائے۔

لاہور میں ”مکْتَبَۃُ الْمَدِیْنَہ اَلْعَرَبِیَّہ“ کا افتتاح: 26دسمبر2019ء  کو رکنِ شوریٰ حاجی یعفور رضا عطاری نے لاہور کے گنج بخش روڈ پر واقع داتا دربار مارکیٹ میں(دعوتِ اسلامی کے) مکْتَبَۃُ الْمَدِیْنَہ اَلْعَرَبِیَّہ کی نئی برانچ کا افتتاح کیا اور خیر و بَرَکت  کی دُعا فرمائی۔

اعراسِ بُزُرگانِ دین پر مجلس مزاراتِ اولیاء کے مدنی  کام:مجلس مزاراتِ اولیاء (دعوتِ اسلامی)کےذمّہ داران نے ربیعُ الآخِر 1441ھ میں حضرت دولہا شاہ سبزواری (کھارادر،کراچی) ٭حضرت قُطبِ عالَم شاہ بخاری (جامع کلاتھ، کراچی) ٭حضرت خواجہ غلام فرید (کوٹ مٹھن شریف راجن پور، ڈی جی خان) ٭حضرت پیرسیّد ولایت علی شاہ ( گجرات، پنجاب) سمیت8بزرگانِ دین کے سالانہ اعراس میں شرکت کی۔مجلس مزاراتِ اولیاء کے تحت مزارات پر قراٰن خوانی ہوئی جس میں206 عاشقانِ رسول شریک ہوئے،1مدنی قافلے کی آمد کا سلسلہ رہا جس میں12عاشقانِ رسول تھے۔اجتماعِ ذِکْرونعت بھی ہوئے جن میں635اسلامی بھائیوں نے شرکت کی، اس کے علاوہ 26 مدنی حلقوں، 8مدنی دوروں،37چوک دَرسوں اور سینکڑوں زائرین کو انفرادی کوشش کے ذریعے نَماز اورسنّتوں پر عمل کی دعوت دی گئی۔ زائرین کی ایک تعداد نے مدنی قافلے میں سفر اور ہفتہ وار اجتماع میں شرکت کی نیتیں  کیں۔

ایکسپو سینٹر کراچی میں مکتبۃُ المدینہ اور دارُ المدینہ کا اسٹال: ایکسپو سینٹر کراچی میں5تا9دسمبر2019ء 15واں کراچی انٹرنیشنل کتب میلہ منعقد ہوا جس میں کئی ممالک سے مختلف موضوعات پر لائی گئی کتب کی نمائش کی گئی۔ اس موقع پر دعوتِ اسلامی کے اشاعتی ادارے مکتبۃُ المدینہ اور دارُالمدینہ انٹرنیشنل یونیورسٹی پریس کی جانب سے بھی اسٹال لگایا گیا جس میں مکتبۃُ المدینہ کی شائع کردہ کتابیں اور رسائل رکھے گئے۔ نمائش کے موقع پر دعوتِ اسلامی کی جانب سے کتابوں پر 55 فیصد ڈسکاؤنٹ رکھا گیا۔ مختلف اسکولوں کے پرنسپلز، ٹیچرز اور اسٹوڈنٹس وغیرہ نے اسٹالز کا دورہ کیا اور فروغِ علم کے حوالے سے دعوتِ اسلامی کی کاوشوں کو سراہا۔

پنجاب بارکونسل لاہورمیں محفلِ نعت:دعوتِ اسلامی کےزیرِ اہتمام 12دسمبر2019ء بروز جمعرات دوپہر دو بجے پنجاب بار کونسل فین روڈ لاہور میں محفلِ نعت کا انعقاد کیا گیا جس میں دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے سنّتوں بھرا بیان کیا  اور شرکا کو دعوتِ اسلامی کا تعارف پیش کرتےہوئے اس کے مدنی  کاموں میں شرکت کرنے  کا ذہن دیا۔

فیضانِ نَماز کورس: دعوتِ اسلامی کی جانب سے مَدَنی مرکز فیضانِ مدینہ تلہ گنگ پنجاب میں شعبۂ تعلیم سے وابستہ افراد کے لئے 25 دسمبر 2019ء سے سات دن کا ”فیضانِ نَماز کورس“ شروع ہوا۔ کورس میں عاشقانِ رسول کو نَماز کے فرائض و واجبات، وُضو اور غسل کے مسائل سمیت اہم دینی مسائل سے آگاہی فراہم کی گئی۔

12مَدَنی کام کورس: شعبۂ تعلیم(دعوتِ اسلامی) کے تحت عالمی مَدَنی مرکز فیضانِ مدینہ کراچی میں 21دسمبر 2019 ءسے تین دن کا ”12مدنی کام کورس“ ہوا جس میں کراچی اور حیدرآباد ریجن کے تعلیمی اداروں سے وابستہ افراد، ریجن ذمّہ داران اور دیگر اسلامی بھائی شریک ہوئے۔کورس میں اراکینِ شوریٰ اور مبلغینِ دعوتِ اسلامی نے  مختلف مدنی حلقوں میں شرکا کی تربیت کی۔

Share

دعوت اسلامی کے شعبہ جات کی مدنی خبریں

علمائے کرام سے ملاقاتیں:مجلس رابطہ بالعلماء کے ذمہ داران نے ماہِ ربیعُ الآخِر 1441ھ میں کئی علما  و مفتیانِ کرام اور ائمہ و خُطَبا سے ملاقاتیں  کیں اور انہیں دعوتِ اسلامی کا ماہنامہ فیضانِ مدینہ و دیگر کتب تحفے میں پیش کیں۔ چند کے نام یہ ہیں:٭مولانا سیدارشدسعیدکاظمی(مہتمم جامعہ عربیہ اسلامیہ انوارُالاسلام،ملتان)٭مفتی محمدمیاں نوازی(مہتمم ومدرِّس جامعہ کاظمیہ ضیاءُ الاسلام،  ملتان) ٭مفتی عظمت رضا خان چشتی (مدرِّس جامعہ محمدیہ، اسلام آباد) ٭مفتی محمد فاروق خان قادری (مُہتَمِم جامعہ جُنیدیہ غفوریہ، اسلام آباد) ٭مفتی فضل الرحمٰن قادری (مدرِّس جامعہ جُنیدیہ غفوریہ، اسلام آباد) علمائے کرام کا مدنی مراکز و جامعاتُ المدینہ کا وزٹ: ٭جامعہ صراطُ المستقیم (ملتان) کے مولانا عبدُالعلیم جلالی نے مدنی مرکز فیضانِ مدینہ ملتان ٭مولانا پیر سید قاضی عتیقُ الرحمٰن نقشبندی باروی (آستانہ عالیہ محسن آباد کنگری بارکھان کابینہ،  ڈیرہ غازی خان زون ) نے مدنی مرکز فیضانِ مدینہ و جامعۃُالمدینہ ڈیرہ غازی خان ٭مولانا سید مظفر حسین شاہ، مولانا خان محمد باروی (صدر جنوبی پنجاب تنظیمُ المدارس)، مولانا ڈاکٹر غلام عباس (ناظمِ امتحانات تنظیمُ المدارس )، مولانا عبدالمجید کریمی (کوآرڈینیٹر تنظیمُ المدارس) اور مفتی غلام مجتبیٰ آف تونسہ شریف(مدرِّس جامعہ محمودیہ خواجہ پیر پٹھان) نے مدنی مرکز فیضانِ مدینہ ڈیرہ غازی خان کا وزٹ فرمایا۔شخصیات سےملاقاتیں: کراچی ساؤتھ زون: ٭مفتی قاسم فخری ( ایم پی اے سندھ اسمبلی) ٭رمضان گھانچی (ایم پی اے) ٭علی خورشیدی (ایم پی اے) ٭عدیل شہزاد (ایم پی اے) ٭سیفُ الدین (سابق ایم پی اے) کراچی ایسٹ زون:٭سید وقار شاہ (سابق ایم پی اے)  گوادر زون:٭شبیر احمد مینگل (ڈپٹی کمشنر لسبیلہ) پنڈی، اسلام آباد زون: ٭مفتی ڈاکٹر ظفر اقبال جلالی (ممبر نیشنل نصاب کونسل پاکستان) ٭محمد عمر خان (ایس پی صدر، اسلام آباد) ٭سہیل حبیب تاجک (ریجنل پولیس آفیسر) ٭سید اکبر علی شاہ (ایس ایس پی انویسٹی گیشن، راولپنڈی رینج) ملتان زون:٭آغا ظہیر عباس شیرازی (ڈپٹی کمشنر) ٭اختر کانجو (سابق ایم این اے) لاہور جنوبی زون: ٭خواجہ داؤد سلیمانی تونسوی (ایم پی اے) ٭چودھرى محمد عتیق (ایس پی ریلویز، لاہور ڈویژن) ٭ محمد لیاقت چٹھہ (ڈائریکٹر جنرل،پنجاب ہاؤسنگ سوسائٹیز) ٭سیف انجم ( کمشنر لاہور، ایڈمنسٹریٹر لاہور) ٭رائے بابر سعید (ڈی آئی جی آپریشنز، لاہور) ٭راجہ بشارت (وزیر قانون، پنجاب) میانوالی زون: ٭اظفر ضیاء ( ڈپٹی کمشنر، لیّہ)٭چودھری محمد شہزاد (ڈسٹرکٹ آفیسر 1122)بہاولپورزون: ٭ صدیق خان بلوچ (ایم پی اے) ٭عبدُالرحمٰن کانجو (ایم این اے) ٭ میاں غلام یٰسین سکھیرا (چیئرمین پاکستان کسان اتحاد) ٭عمران قریشی (ڈپٹی کمشنر) ٭چودھری زوارحسین وڑائچ (صوبائی وزیر جیل خانہ جات) ٭آصف اقبال ( کمشنر بہاولپور)سرگودھا زون: ٭عبدُ اللہ شیخ (ڈپٹى کمشنر، سرگودھا)  ٭سید حسنین حیدر شاه (ڈى پى او، چنیوٹ) ٭محمد ریاض (ڈپٹی کمشنر، چنیوٹ) ٭سینیٹر ڈاکٹر غوث محمد نیازى ٭انصر مجید خان نیازى (صوبائى وزیر محنت و افرادى قوت) سیالکوٹ زون:٭توصیف حیدر (ڈی پی او) ٭کیپٹن (ر) سیدحمّاد عابد (ڈی پی او، جہلم) ٭غلام عباس (ایم این اے ،پسرور) ٭مُستَنْصَر فیروز(ڈی پی او) ڈیرہ اللہ یار زون:٭کیپٹن(ر) پرویز احمد چانڈیو (ڈی آئی جی،سبی ڈویژن) ٭ایس ایس پی محمود نوتیزئی (زونل کمانڈر، بلوچستان کانسٹیبلری فورس) ٭نوابزادہ شاہ زین خان بگٹی (ایم این اے) ٭نواب ثناءُاللہ خان زہری (سابق وزیراعلیٰ بلوچستان چیف آف جھالاوان) ٭شہاب عظیم لہڑی ( ڈی آئی جی پولیس، نصیر آباد ڈویژن) ڈیرہ غازی خان زون: ٭مہر ارشاد احمد خان سیال (ایم این اے) ٭سید ندیم عباس (ڈی پی او، مظفرگڑھ) میر پور خاص زون: ٭عبدُالستار (ایس ایس پی) ٭عبدُالواحد شیخ (کمشنر) ٭زاہد میمن (ڈپٹی کمشنر )۔

Share

دعوت اسلامی کے شعبہ جات کی مدنی خبریں

اسلامی بہنوں کی پاکستان کی مدنی خبریں

قبولِ اسلام

مجلسِ رابطہ کی ذمّہ دار اسلامی بہنوں کی انفرادی کوشش سے کراچی کے علاقے گلشنِ اقبال میں ایک بیوٹی پارلر کی غیر مسلمہ ورکر کلمہ پڑھ کر مسلمان ہوگئی، نو مسلمہ خاتون کا اسلامی نام بھی رکھا گیا۔

جامعۃُ المدینہ لِلبَنات بچیکی کا افتتاح:پچھلے دنوں دعوتِ اسلامی کے تحت جڑانوالہ کے علاقے بچیکی میں”جامعۃُ المدینہ لِلبَنات“ کا افتتاح کیا گیا۔ اس موقع پر افتتاحی تقریب بھی منعقد کی گئی جس میں لیڈی ڈاکٹرز اور اہلِ ثروت اسلامی بہنوں سمیت دیگر اسلامی بہنوں نے شرکت کی۔ زون ذمّہ دار اسلامی بہن نے سنّتوں بھرا بیان کیا۔ دو ماہ میں ناظرہ مکمل، ایک نابینا بچی نے پورا قراٰن حفظ کرلیا:دعوتِ اسلامی کے مدرسۃُ المدینہ لِلبَنات سدھار فیصل آباد زون میں زیرِ تعلیم ایک طالبہ بنتِ آصف نے دوماہ میں ناظرہ قراٰنِ کریم مکمل کرنے کی سعادت حاصل کی جبکہ رحیم یار خان میں واقع مدرسۃُ المدینہ لِلبَنات خانقاہ شریف میں زیرِ تعلیم ایک نابینا بچی بنتِ عابد حسین نے مکمل قراٰنِ کریم حفظ کرنے کی سعادت حاصل کی۔ کلفٹن میں شخصیات اجتماع:دعوتِ اسلامی کے تحت 22دسمبر 2019ء کو کلفٹن کراچی میں شخصیات اجتماع کا انعقاد کیا گیا جس میں خاتون وکیلوں، میرج بیورو اونرز، اہلِ ثروت اور این جی او کی اورگنائیزر (خواتین) نے شرکت کی۔ اس موقع پر کلفٹن کابینہ کی مجلسِ رابطہ ذمّہ دار اسلامی بہن نے سنّتوں بھرا بیان کیا اور اجتماعِ پاک میں شریک اسلامی بہنوں کو دعوتِ اسلامی کے مدنی کاموں سے متعلق آگاہی فراہم کرتے ہوئے مدنی ماحول سے وابستہ رہنے، ہفتہ وار اجتماع میں شرکت کرنے کی ترغیب دلائی۔دارُالمدینہ کی مدنی خبریں:دارُالمدینہ سیٹلائٹ ٹاؤن کیمپس سرگودھا میں اسلامی بہنوں کی مجلس شارٹ کورس کے زیرِ انتظام اسٹاف کے لئے ”جنّت کا راستہ“ کورس منعقد کیا گیا جس میں تمام اسٹاف ممبرز نے شرکت کی۔ ڈویژن سطح کی ذمّہ دار اسلامی بہن نے سنّتوں بھرا بیان کیا اور کورس میں شریک اسلامی بہنوں کی تربیت کرتے ہوئے انہیں مَدَنی انعامات پر عمل کرنے کی ترغیب دلائی ٭دسمبر2019ء میں دارُ المدینہ کے لطیف آباد حیدرآباد کیمپس، الہلال آئی ایس ایس کراچی کیمپس، سرگودھا آئی ایس ایس کیمپس، گجرات آئی ایس ایس کیمپس، دارُالمدینہ دین گاہ کیمپس اور دارُالمدینہ سبزہ زار کیمپس سمیت دیگر مقامات پر ”تربیتِ اولاد کورس“ کا انعقاد کیا گیا جس میں شریک خواتین کو اولاد کی تربیت کے حوالے سے مختلف مدنی پھول پیش کئےگئے۔ اس کورس کا مقصد اسلامی اُصولوں کے مطابق بچّوں کی بہترین پرورش کے لئے والدہ کی تربیت کرنا تھا۔ کورسز:اسلامی بہنوں کی مجلس شارٹ کورسز کے تحت23دسمبر2019ء سے پاکستان کے مختلف شہروں میں بالخصوص 13تا19سال کی بچیوں کے لئے سات دن پرمشتمل”فیضانِ ایمانیات“ کورس کا سلسلہ ہوا جس میں شریک اسلامی بہنوں کو عقائدِ اہلِ سنّت، پیارے آقا صلَّی اللہ علیہ واٰلہٖ وسلَّم کی سیرت کے واقعات، صَحابَۂ کرام علیہمُ الرِّضوان کے عشقِ رسول پر مبنی واقعات اورشرعی اصطلاحات سیکھنے کا موقع ملا ٭کلفٹن  کابینہ میں ”فیضانِ انوارُ الفُرقان“ کورس کا سلسلہ ہوا جس میں کم و بیش120 اسلامی بہنوں نے شرکت کی۔ کورس میں شریک اسلامی بہنوں نے مدرسۃُ المدینہ میں داخلہ لینے اور مدنی مذاکرہ دیکھنے کی نیتیں بھی کیں۔

اسلامی بہنوں کی بیرونِ ملک کی مدنی خبریں

سنّتوں بھرے اجتماعات:٭18تا25دسمبر2019ءیوکے (U.K) کے مختلف زونز میں 139مقامات پر اسلامی بہنوں کے سنّتوں بھرے اجتماعات کا انعقاد کیا گیا جن میں کم و بیش4ہزار993 اسلامی بہنوں نے شرکت کی۔ ان اجتماعات میں مبلغاتِ دعوتِ اسلامی نے سنّتوں بھرے بیانات کئے اور اجتماعات میں شریک اسلامی بہنوں کو مختلف سنّتوں اور آداب سےمتعلق آگاہی فراہم کی ٭یکم جنوری 2020ء کو امریکہ کے شہر شکاگو میں ایک اسلامی بہن کے گھر ایصالِ ثواب اجتماع کا انعقاد کیا گیا جس میں مقامی اسلامی بہنوں نے شرکت کی۔مبلغۂ دعوتِ اسلامی نے ”ایصالِ ثواب کی بَرَکتیں“ کے موضوع پر سنّتوں بھرا بیان کیا اور اجتماعِ پاک میں شریک اسلامی بہنوں کو دعوتِ اسلامی کے مدنی ماحول سے وابستہ رہنے،مدرسۃُ المدینہ بالغات میں داخلہ لینے، فیضانِ انوارُالفُرقان کورس کرنے اور ہفتہ وار اجتماع میں شرکت کرنے کی ترغیب دلائی ٭اسلامی بہنوں کی مجلس تجہیز و تکفین  کے تحت 29 دسمبر 2019ء کو اٹلی کے شہر لیگنانو(Leg Nano) اور30دسمبر کو نینی تال زون ہند میں تجہیز و تکفین اجتماع کا انعقاد کیا گیا جس میں مقامی اسلامی بہنوں نے شرکت کی۔ یورپین ریجن کی نگران اسلامی بہن نے سنّتوں بھرا بیان کیا اور اجتماعِ پاک میں شریک اسلامی بہنوں کو عورت کی میت کے غسل اور کفن پہنانے کا طریقہ سکھایا۔ کورسز:٭اسلامی بہنوں کی مجلس شارٹ کورسز کے تحت کینیڈا میں 12دن پرمشتمل ”فیضانِ انوارُ الفُرقان“ کورس ہوا جس میں مقامی اسلامی بہنوں نے شرکت کی ٭بیلجیئم میں ایک مقام پر اور ہند میں ناگور، بارودا اور مانڈوی کَچھ زون، پٹنہ اور جمشیدپور سمیت مختلف مقامات پر12دن کا ”فیضانِ انوارُ الفُرقان“ کورس ہوا جس میں شریک اسلامی بہنوں کو قراٰنِ پاک کی مختلف سورتوں کا تعارف، شانِ نزول، قراٰنی واقعات، پردے کے احکام اور معاشرتی زندگی کے اُصول وغیرہ بتائے گئے ٭نیپال کےشہر نیپال گنج میں22 تا 24 دسمبر 2019ء تین دن پر مشتمل ”اسلامی زندگی کورس“  کا انعقاد کیا گیا جس میں تقریباً  29 اسلامی بہنوں نے شرکت کی۔

پانچ غیر مسلم خواتین کا قبولِ اسلام

27دسمبر2019ء کو دعوتِ اسلامی کے تحت ٹیٹوریہ بنگلہ دیش میں ہفتہ وار سنّتوں بھرے اجتماع کا انعقاد کیا گیا جس میں کومیلا زون کابینہ کی نگران اسلامی بہن نے اسلامی بہنوں کو مدنی انعامات پر عمل کرنے کی ترغیب دلائی۔ اس اجتماع میں چار غیرمسلم خواتین بھی شریک تھیں، ہفتہ وار اجتماع دیکھ کر وہ اسلام سے متأثر ہوئیں اور اجتماع کے اختتام پر ان چاروں غیرمسلم خواتین نے اسلام قبول کرلیا۔اسی طرح 29 دسمبر 2019ء کو اِندور ہند میں محفلِ نعت کے دوران ایک غیرمسلم خاتون  نے تجہیز و تکفین  زون ذمّہ دار اسلامی بہن کی انفرادی کوشش کی برکت سے اسلام قبول کرلیا۔

Share

دعوت اسلامی کے شعبہ جات کی مدنی خبریں

مسجد کا افتتاح (Opening)

ٹیلی فورڈ، یوکے میں واقع غیر مسلموں کی ایک عبادت گاہ کو  دعوتِ اسلامی نے خرید کر مسجد میں تبدیل کردیا۔ مسجد کا نام فیضانِ رَمَضان رکھا گیا ہے۔ مسجد کی افتتاحی تقریب (Opening Ceremony)  کا انعقاد 24 دسمبر2019ء بروز منگل کو کیا گیا۔ اس موقع پر پاکستان سے تشریف لائے ہوئے نگرانِ شوریٰ مولانا حاجی محمد عمران عطاری مُدَّظِلُّہُ الْعَالِی  اور رُکنِ شوریٰ مولانا حاجی عبدُالحبیب عطاری نے سنّتوں بھرے بیانات کئے اور حاضرین کو مسجد آباد کرنے کا ذہن دیا۔

جدہ  انٹرنیشنل بُک فیئرمیں مکتبۃُ المدینۃ العربیۃ کا اسٹال

11تا21دسمبر2019ء کو عَرَب شریف کے شہر جَدّہ میں ”جدہ انٹرنیشنل بُک فیئر“ کا انعقاد کیا گیا جس میں دعوتِ اسلامی کے  مکتبۃُ المدینۃ العربیۃ  کی جانب سے بھی اسٹال لگایا گیا۔ اسٹال پر مختلف موضوعات پر کُتب و رسائل کی نمائش کی گئی۔خریداری کے لئے آنے والے عُلَما و طَلَبہ نے دعوتِ اسلامی کی علمی کاوشوں کو خوب سراہا۔

Faizan Weekend Islamic School

اسٹچ فورڈ، یوکے میں6سال سے زائدعمر کے  بچّوں کے لئے چھٹی والے دن یعنی اتوار کو Faizan Weekend Islamic School  کا آغاز کردیا گیا ہے۔ اسکول کامقصد بچّوں کو دینِ اسلام کی بنیادی اور اہم معلومات فراہم کرنا اور سنّتِ رسول  صلَّی اللہ علیہ واٰلہٖ وسلَّم  کے مطابق زندگی گزارنے کے زَرِّیں اُصول سکھانا ہے۔ اسکول کا دورانیہ ہر اتوار کو صبح  10:30 تا 01:00 ہے۔

مختلف مدنی خبریں

٭پیٹرزبرگ اور والسال یو کے میں27 تا 29 دسمبر 2019ء تین دن کا رہائشی ”فیضانِ نَماز کورس“ ہوا  جس میں شریک اسلامی بھائیوں کو نَماز کے ضروری مسائل سِکھائےگئے ٭شعبۂ تعلیم مڈلینڈز برطانیہ (دعوتِ اسلامی) کےزیرِ اہتمام برسٹل یوکے میںHarms of Video Games کے عنوان سے ایک تربیتی سیشن کا سلسلہ ہوا جس میں والدین کے ساتھ بہت سے نوجوانوں اور بچّوں نے شرکت کی۔ اس پروگرام میں ٹرینر اسلامی بھائی نے حاضرین کے سامنے ویڈیو گیمنگ کے نقصانات کو واضح کیا جسے سننے کے بعد بہت سے بچّوں نے گیمنگ ترک کرنے کا ارادہ کیا ٭برٹن برطانیہ میں نوجوانوں کے لئے تربیتی ورکشاپ کا اہتمام کیا گیا جس میں مبلغِ دعوتِ اسلامی نے شرکا کو حُسنِ اخلاق کی اہمیت اور اس کے فوائد بتاتے ہوئے بڑوں کا ادب کرنے، چھوٹوں پر شفقت کرنے، والدین کی فرمانبرداری کرنے کے حوالے سے گفتگو کی ٭گزشتہ دنوں مدنی مرکز فیضانِ مدینہ سٹیج فورڈ برمنگھم میں عُمرہ تربیتی اجتماع  کا انعقاد کیا گیا جس میں مقامی اسلامی بھائیوں نے شرکت کی سعادت حاصل کی۔ اس موقع پر مبلغِ دعوتِ اسلامی نے شرکائے اجتماع کو عُمرہ کی فضیلت، ادائیگی کا طریقہ و آداب اور دربارِ رسالت  صلَّی اللہ علیہ واٰلہٖ وسلَّم  میں حاضری کے آداب سے متعلق راہنمائی فراہم کی٭پچھلے دنوں مڈلینڈز، یوکے برمنگھم میں شعبۂ تعلیم کے زیرِ اہتمام  بچّوں کے لئے ورکشاپ ”Harms of computer games“کاانعقادکیا گیا۔ ورکشاپ کے انعقاد کا مقصد بچّوں میں یہ شعور پیدا کرنا تھا کہ کمپیوٹر گیمز ہمارے لئے کس قدر نقصان دہ ہیں۔ مبلغِ دعوتِ اسلامی نے لیکچر دیتے ہوئے بچّوں کو بتایا کہ کمپیوٹر گیمز ہماری آنکھوں اور ہمارے جسم کے لئے شدید نقصان دہ ہیں جبکہ کئی گیموں میں بے حیائی کے مناظر بھی ہوتے ہیں جن سے روحانیت ختم اور آخرت تباہ ہوجاتی ہے۔اسی طرح مڈلینڈز، یوکے میں بچّوں کے لئے ایک ورکشاپ بنام” Harms of Anger“  کا انعقاد کیا گیا جس میں بچّوں کو غصّے کے نقصانات اور اس کی تباہ کاریوں کے متعلق بریفنگ دی گئی۔ مبلغِ دعوتِ اسلامی نے بچّوں کو غصّے کے دینی اور دنیاوی نقصانات بیان کئے۔اسی طرح مڈلینڈز،یوکے ہی میں شعبۂ تعلیم کے زیرِ اہتمام نوجوانوں کے لئے ایک ورکشاپ بنام ”Showing Off“ یعنی ”دِکھاوا اور خود نُمائی“ کا انعقاد کیا گیا جس میں شریک اسلامی بھائیوں کو دِکھاوے کے نقصانات کے بارے میں آگاہی فراہم کی گئی۔

Share

Articles

Comments


Security Code