Dosti Kis Se Karni Chahiye

اللہ پاک کے آخری نبی حضرتِ محمد مصطفےٰ صلَّی اللہ علیہ واٰلہٖ وسلَّم کا اِرشاد ہے : “ اَلرَّجُلُ عَلَى دِيْنِ خَلِيْلِهٖ، فَلْيَنْظُرْ اَحَدُكُمْ مَنْ يُّخَالِلُ “ یعنی آدمی اپنے دوست کے دین پر ہوتا ہے ، لہٰذا تم میں سے ہر ایک کو چاہئے کہ وہ دیکھے کس سے دوستی کررہا ہے۔ (ترمذی ، 4 / 167 ، حدیث : 2385)

اچّھے بچّو!کسی سے دوستی کرنے سے پہلے اچّھی طرح دیکھ لیا جائےکہ سامنےوالاکیسےکردار(Character)اور عادت والا ہےکیونکہ دوستی اپنی طرف کھینچتی ہے جیسے ہمارے دوست ہوں گے ہم بھی آہستہ آہستہ ویسے ہی بنتےچلے جائیں گے۔

اچّھے دوست وہ ہوتے ہیں جودُرُست اسلامی عقائد والے ہوں ، اچھے کام کرنے اور برائیوں سے دور رہنے میں ہماری مدد کریں ، یونہی مصیبت کے وقت ہمارے کام آئیں ، حضرت عمر فاروق رضی اللہ عنہ فرماتے ہیں : اچھے دوست مصیبت کے وقت تمہارا سہارا بنتے ہیں ۔ (مساوئ الاخلاق ، ص279 ، حدیث : 689)  اسی لئے کہتے ہیںA friend in need is a friend indeed یعنی جو ضرورت کے وقت کام آئے وہی پکا دوست ہوتا ہے۔

پیارے بچّو!ہمارے والدین (Parents) ہمارے فائدے نقصان کو زیادہ بہتر جانتے ہیں لہٰذا جس سے وہ دوستی کرنے سے منع کریں اس سے دُور رہنا چاہئے ورنہ بعد میں نقصان ہو سکتاہے۔ یونہی اپنی عمر سے بڑے بچّوں کے ساتھ بھی دوستی نہیں کرنی چاہئے۔ اپنے سے زیادہ امیر بچّوں سے دوستی کرنے سے بعض اوقات انسان احساسِ کمتری (Inferiority Complex)  کا شکار ہو جاتا ہے لہٰذا اس معاملے میں بھی احتیاط کی جائے۔

اللہ پاک ہمیں اچّھا بننا نصیب فرمائے اور اچّھے دوست عطا  کرے۔ اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

ــــــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــــــــــــــــــ*…ماہنامہ  فیضانِ مدینہ ، کراچی

پیارے بچّو!حضور نبیِّ کریم صلَّی اللہ علیہ واٰلہٖ وسلَّم  نے پوری دنیا تک اسلام کی دعوت پہنچانے کے لئے مختلف ملکوں کے بادشاہوں کو اسلام کی دعوت دینے کے لئے خط روانہ فرمائے ہیں۔ آپ صلَّی اللہ علیہ واٰلہٖ وسلَّم  کی طرف سے دعوتِ اسلام لے کر جانے والے صحابۂ کرام علیہمُ الرِّضوان میں سے 5 صَحابۂ کرام علیہمُ الرِّضوان کے نام خانوں کے اندر چُھپے ہوئے ہیں ، آپ نے اُوپر سے نیچے ، دائیں سے بائیں حُروف مِلا کر وہ پانچ ­نام تلاش کرنے ہیں ، جیسے ٹیبل میں لفظِ “ حاطِب “ کو تلاش کرکے بتایا گیا ہے۔

تلاش کئےجانے والے 5 نام : (1)دحیہ (کلبی) (2) عبدُ اللہ (3)عَمْرو (4)سلیط (5)شُجاع رضی اللہ عنہم۔

د         ح       ی      س     ل     ی      ظ        ر         ہ

ع      ش     ز        ح      ا        ط        ب     گ      ا

و         ج       ش     ج      ا        ر         ل       ب     س

ش     ا          ع      م       ر       و         د         ر         ل

ج      م        د         ح      ی     ا          ح       ک      ی

ا          ع       م       ر         ح     س     ی       ل      ط

ع      ب     د         ا          ل     ل      ہ         ل      ہ

ــــــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــــــــــــــــــ*…ماہنامہ  فیضانِ مدینہ ، کراچی

قراٰنِ پاک ہدایت کی کتاب ہے ، اس میں دین و دنیا کو سنوارنے کے لئے بہترین اُصول بیان کئے گئے۔ قراٰنِ کریم کی تعلیم کے لئے  عاشقانِ رسول کی مدنی تحریک “ دعوتِ اسلامی “ کے بہت سے شعبہ جات خدمت میں مصروف ہیں ۔ پاکستان کے  شہر لاہور کے علاقے فضل پورہ  میں  واقع  “ مدرسۃُ المدینہ فضل پورہ “ بھی اسی سلسلے کی ایک کَڑی ہے۔

 “ مدرسۃُ المدینہ فضل پورہ (لاہور) “ کی تعمیر کا آغاز 1992 میں ہوا اور اللہ پاک کے فضل سے اسی سال تعلیمِ قراٰن کا سلسلہ بھی شروع ہوگیا۔ اس مدرسۃُ المدینہ میں ناظِرہ کی1جبکہ حفظ کی5کلاسز ہیں۔ اب تک (یعنی 2020ء تک) اس مدرسۃُ المدینہ سے کم و بیش900طَلَبہ قراٰنِ کریم حفظ کرنے کی سعادت پاچکےہیں جبکہ2ہزار بچّے ناظِرہ قراٰنِ کریم مکمّل کرچکے ہیں۔ اس مدرسۃُ المدینہ سے فارغ ہونے والے400طلبہ نے درسِ نظامی (عالِم کورس)میں داخلہ لیا ہے اور اَلْحَمْدُ لِلّٰہِ! 100 طَلَبہ درسِ نظامی مکمل بھی کرچکے ہیں۔ اللہ پاک دعوتِ اسلامی کے تمام شعبہ جات بشمول “ مدرسۃُ المدینہ فضل پورہ “ کو ترقّی و عُروج عطا فرمائے۔

اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

اَلْحَمْدُ لِلّٰہِ! دعوتِ اسلامی کےمدارسُ المدینہ میں بچّوں کی تعلیمی کارکردگی کے ساتھ ساتھ ان کی اَخلاقی تربیت پربھی خاصی توجّہ دی جاتی ہے یہی وجہ ہے کہ مدارسُ المدینہ کے ہونہار بچّے اچّھے اَخلاق سے مُزَیّن ہونے کے ساتھ ساتھ تعلیمی میدان میں بھی غیر معمولی کارنامے سرانجام دیتے رہتے ہیں ، “ مدرسۃُ المدینہ فضل پورہ(لاہور) “ میں بھی کئی ہونہار مَدَنی ستارے جگمگاتے ہیں ، جن میں سے14 سالہ محمد نبیل عطاری بن محمد ندیم صدیقی کے تعلیمی و اخلاقی کارنامے ذیل میں دئیے گئے ہیں ، ملاحظہ فرمائیے :

اَلْحَمْدُ لِلّٰہِ!62 دنوں میں ناظرہ مکمل کیا اور 11ماہ میں قراٰنِ کریم  مکمل حفظ  کرنے کی سعادت حاصل کی۔  روزانہ قراٰنِ کریم کا ایک پارہ پڑھنے کی سعادت حاصل کرتے ہیں۔ ان کے استاذِ محترم ان کے بارے میں تأثرات دیتے ہوئے فرماتے ہیں : مَاشَآءَاللّٰہ! بہت اچّھا بچّہ ہے ، پڑھائی کے حوالے سے کوئی شکایت نہیں ہوئی۔  دوران تعلیم  قراٰنِ کریم  کے تین پارے منزل میں سنانے کا معمول تھا  اور حفظ مکمل ہونے کے بعد   روزانہ ایک پارہ سنانے کی عادت ہے۔