عمل نیک کیا بھی تو چھپانے نہ دیا / اسلامی بہنوں کی پاکستان کی مدنی خبریں / اسلامی بہنوں کی بیرونِ ملک کی مدنی خبریں

اوّل تو نفس و شیطان ہمیں نیکیاں کرنے ہی نہیں دیتے اور اگر ہم محنت و کوشش کرکے کوئی نیکی کرنے میں کامیاب ہو بھی جائیں تو نفس و شیطان ہماری عبادت کو مقبول ہونے سے روکنے کیلئے مختلف ہتھکنڈے آزماتے ہیں جن میں سے “ رِیا “ ایک مضبوط ہتھکنڈا ہے۔

رِیا کاری کیاہے؟  “ اللہ پاک کی رِضا کے علاوہ کسی اور ارادے سے عبادت کرنا ریاکاری کہلاتا ہے۔ “ گویا عبادت سے یہ غرض ہو کہ لوگ اس کی عبادت پر آگاہ ہوں تاکہ وہ ان لوگوں سے مال بٹورے یا لوگ اس کی تعریف کریں یا اسے نیک آدمی سمجھیں یا اسے عزّت وغیرہ دیں۔ ([i])

قراٰنِ کریم میں ریا سے بچنے کا حکم: اللہ پاک ارشاد فرماتا ہے : فَمَنْ كَانَ یَرْجُوْا لِقَآءَ رَبِّهٖ فَلْیَعْمَلْ عَمَلًا صَالِحًا وَّ لَا یُشْرِكْ بِعِبَادَةِ رَبِّهٖۤ اَحَدًا۠(۱۱۰) ترجمۂ کنزُ الایمان : تو جسے اپنے رب سے ملنے کی امید ہو اُسے چاہئے کہ نیک کام کرے اور اپنے رب کی بندگی میں کسی کو شریک نہ کرے۔ ([ii])  (اس آیت کی مزید وضاحت کے لئے یہاں کلک کریں)

ریاکار کی علامات: (1)تنہائی میں ہو تو عمل میں سُستی کرے اور لوگوں کے سامنے ہو تو جوش دکھائے (2)اس کی تعریف کی جائے تو عمل میں اِضافہ کر دے اور (3)اگر مذمت کی جائے تو عمل میں کمی کر دے۔ ([iii])

ریاکاری کے چند نقصانات:(1)رِیاکار کا عمل قبول نہیں ہوتا([iv]) (2)ریاکار سے جہنم بھی پناہ مانگتا ہے([v]) (3)ریاکار اپنے رب کی توہین کرنے والا ہوتاہے([vi]) (4)ریاکار زمین و آسمان میں مَلْعُون ہے([vii]) (5)ریاکار اپنے رب کو ناراض کرنے والا ہوتا ہے([viii]) (6)ریا کار کا آخرت میں کوئی حصہ نہیں۔ ([ix])

ریاکاری کے چند علاج:(1)اللہ پاک سے دُعا کیجئے (2)ریاکاری  کے نقصانات پیشِ نظر رکھئے (3)اِخلاص اپنائیے  (4)نیت پر نظر رکھئے (5)اکیلے ہوں یا لوگوں کے سامنے ایک سا عمل کیجئے (6)نیکیاں چھپائیے (7)اَوراد و وظائف پڑھنے کی عادت بنائیے۔

پیاریاسلامی بہنو! غور کیجئے کہ ہمارے شب و روز نیک بننے میں گزررہے ہیں یا خود کو نیک ثابت کرنے میں؟ یاد رکھیں! عمل کو ریا کاری سے بچانا ، عمل کرنے سے زیادہ مشکل کام ہے ، اس مشکل کام کو سر انجام دینے کے لئے دعوتِ اسلامی کے مدنی ماحول سے وابستہ ہوجائیے ، اِنْ شَآءَ اللہ دعوتِ اسلامی سے وابستہ ہونے کی برکت سے اچھے اخلاق و اوصاف آپ کے کردار کا حصہ بنتے چلے جائیں گے ، ہر اسلامی بہن کو چاہئے  کہ فکرِ مدینہ اور ہفتہ وار سنّتوں بھرے اجتماع میں شرکت کرکے ریاکاری سمیت دیگر تمام ظاہری  و باطنی اَمراض سے شفا حاصل کرنے کی کوشش کرے۔

ریاکاری کے مزید نقصانات اور بچنے کے طریقے جاننے کیلئے مکتبۃُ المدینہ کی کتاب “ ریاکاری “ کا مطالعہ مفید ثابت ہوگا۔

ــــــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــــــــــــــــــ*نگران عالمی مجلس مشاورت (دعوتِ اسلامی) اسلامی بہن

 



([i])   نیکی کی دعوت ، ص66

([ii])   پ16 ، الکھف : 110

([iii])   الزواجر ، 1 / 75

([iv])   حلیۃ الاولیاء ، 2 / 139 ، رقم : 1732

([v])   معجم کبیر ، 12 / 136 ، حدیث : 12803

([vi])   مسند ابی یعلیٰ الموصلی ، 4 / 380 ، حدیث : 5095ماخوذاً

([vii])   مجمع الزوائد ، 10 / 377 ، حدیث : 17648ماخوذاً

([viii])   سابقہ حوالہ ، 10 / 383 ، حدیث : 17664ماخوذاً

([ix])   سابقہ حوالہ ، 10 / 376 ، حدیث : 17646ماخوذاً

Share

عمل نیک کیا بھی تو چھپانے نہ دیا / اسلامی بہنوں کی پاکستان کی مدنی خبریں / اسلامی بہنوں کی بیرونِ ملک کی مدنی خبریں

شارٹ کورسز: * مجلسِ شارٹ کورسز کے زیرِ اہتمام راولپنڈی میں بذریعہ اسکائپ ون ڈے سیشن کورس کا انعقاد کیا گیا جس میں کم و بیش 38اسلامی بہنوں نے شرکت کی۔ عالمی مجلسِ مشاورت کی رُکن اسلامی بہن نے “ صالحات اور راہِ خدا میں خرچ “ کے موضوع پر بیان کیا اور کورس میں شریک اسلامی بہنوں کو راہِ خدا میں اپنا مال خرچ کرنے ، دعوتِ اسلامی کے مدنی کاموں میں حصہ لینے اور اعتکاف کی سعادت پانے کی ترغیب دلائی * کراچی ریجن ، فیصل آباد ریجن اور ملتان ریجن میں شعبۂ تعلیم سے وابستہ شخصیات کے درمیان آن لائن کورس “ رَمَضان کیسے گزاریں؟ “ کا انعقاد کیا گیا جس میں لیڈی ڈاکٹرز ، ٹیچرز اور اسٹوڈنٹس سمیت 92 اسلامی بہنوں نے شرکت کی۔ مُبَلِّغاتِ دعوتِ اسلامی نے سنّتوں بھرے بیانات کئے اور کورس میں شریک اسلامی بہنوں کو رَمَضان کے فضائل ، روزے کے مَسائل ، شبِ قَدْر کی خصوصی عبادات اور اعتکاف کے مسائل سے متعلق معلومات فراہم کیں * کراچی ریجن میں “ رمضان کیسے گزاریں؟ “ کورس کے علاوہ شخصیات اسلامی بہنوں کیلئے آن لائن کورسز “ اپنی نماز دُرست کیجئے “ اور “ موجودہ حالات اور اگلا راستہ “ کا انعقاد کیا گیا جس میں مختلف شعبوں سے وابستہ شخصیات خواتین نے بذریعہ انٹرنیٹ شرکت کی۔ مُبَلِّغاتِ دعوتِ اسلامی نے سنّتوں بھرے بیانات کے ذریعے مختلف موضوعات پر اسلامی بہنوں کی تربیت کی۔ کورس میں شریک شخصیات نے مختلف اچھی اچھی نیتیں بھی کیں * مجلسِ شعبۂ تعلیم کے زیرِ اہتمام شہداد پور کابینہ کےشہر “ سَکْرَنڈ “ میں اسکائپ اور کانفرنس کال کے ذریعے “ فیضانِ تلاوت کورس “ کا سلسلہ ہوا جس میں شخصیات خواتین نے شرکت کی۔ کورس  کے دوران “ ہفتہ وار شخصیات اجتماع “ کا بھی انعقاد کیا گیا جس میں زون ذمّہ دار اسلامی بہن نے سنّتوں بھرا بیان کیا اور اجتماعِ پاک میں شریک اسلامی بہنوں کو دعوتِ اسلامی کے مدنی ماحول سے وابستہ رہنے ، آن لائن کورسز کرنے اور اپنے عطیات دعوتِ اسلامی کو جمع کروانے کی ترغیب دلائی۔

کفن دفن تربیتی اجتماعات: مجلسِ تجہیز و تکفین کے زیرِ اہتمام مارچ 2020ء میں پاکستان کے شہروں لاہور ، کراچی ، حیدرآباد ، فیصل آباد ، اسلام آباد اور ملتان میں 920 مقامات پر کفن دفن اجتماعات کا انعقاد کیا گیا جن میں کم و بیش 14ہزار730 اسلامی بہنوں کو دُرست طریقے  سے میت کو غسل دینے کا طریقہ سکھایا گیا ۔

مسجد کا افتتاح:

دعوتِ اسلامی کی مجلس خُدّامُ المساجِد کے تحت حیدرآباد سندھ کے علاقے لطیف آباد نمبر 12 میں “ جامع مسجد فیضانِ حلیمہ سعدیہ “ کا افتتاح کیا گیا۔ دعوتِ اسلامی کے کابینہ نگران اسلامی بھائی نے باجماعت نمازِ عصر کی اِمامت فرما کر مسجد کا افتتاح کیا۔ اس موقع پر مقامی اسلامی بھائیوں نے خوشی کا اظہار کیا اور مسجد کو آباد کرنے کی نیت کی۔

Share

عمل نیک کیا بھی تو چھپانے نہ دیا / اسلامی بہنوں کی پاکستان کی مدنی خبریں / اسلامی بہنوں کی بیرونِ ملک کی مدنی خبریں

قبولِ اسلام: گزشتہ دنوں یوکے لندن ریجن میں دعوتِ اسلامی کے مدنی ماحول سے وابستہ اسلامی بہنوں کی انفرادی کوشش کی بدولت ایک غیر مسلم عورت نے اسلام قبول کرلیا جن کا اسلامی نام بھی رکھا گیا۔ دعوتِ اسلامی کے زیرِ اہتمام انہیں نیومسلم کورس بھی کروایا گیا۔ مَاشَآءَاللہ نومسلم اسلامی بہن نے رَمَضانُ المبارک کے روزے رکھنے کی سعادت بھی حاصل کرنا شروع کردی۔

”سیرتِ مصطفیٰ“ کورس: * مجلسِ شارٹ کورسز کے زیرِ اہتمام یوکے ویسٹ مِڈلینڈز کے شہر برمنگھم میں بذریعہ اسکائپ  “ سیرتِ مصطفیٰ کورس “ کا انعقاد کیا گیا جس میں تقریباً35 اسلامی بہنوں نے شرکت کی۔ مُبَلِّغۂ دعوتِ اسلامی نے سنّتوں بھرا بیان کیا اور کورس میں شریک اسلامی بہنوں کو پیارے آقا صلَّی اللہ علیہ واٰلہٖ وسلَّم کی سیرت سے متعلق معلومات فراہم کرتےہوئے اپنی زندگی سنّت کے مطابق گزارنے ، مدنی ماحول سے وابستہ رہنے اور مدنی کاموں میں حصہ لینے کی ترغیب دلائی* مجلسِ شارٹ کورسز کےتحت برمنگھم ریجن کے ویسٹ مڈلینڈز ایریا میں بذریعہ اسکائپ “ تجہیز و تکفین کورس “  کا انعقاد کیا گیا جس میں تقریباً 69 اسلامی بہنوں نے شرکت کی۔ مبلغۂ دعوتِ اسلامی نے کورس میں شریک اسلامی بہنوں کو غسل ِمَیّت اور کفن دَفن کے طریقے سے متعلق آگاہی فراہم کی نیز انہیں اس شعبے کے تحت مدنی کاموں میں حصہ لینے کا ذہن دیا * یوکے کے ویسٹ مڈلینڈز کے کوونٹری ڈویژن اور ساؤتھ برمنگھم کےپانچ علاقوں میں “ رَمَضان کیسے گزاریں؟ “ کورس کا انعقاد کیا گیا جن میں تقریباً 188 اسلامی بہنوں نے شرکت کی۔ مُبَلِّغاتِ دعوتِ اسلامی نے سنّتوں بھرے بیانات کئے اور کورس میں شریک اسلامی بہنوں کو روزے ، تراویح اور اعتکاف کے احکام   سکھائے نیز انہیں دعوتِ اسلامی کے مدنی ماحول سے وابستہ رہنے اور دیگر کورسز میں بھی شرکت کرنے کی ترغیب دلائی۔

مدنی انعامات اجتماعات: * اسلامی بہنوں کی مجلسِ مدنی انعامات کے زیرِ اہتمام یوکےکے شہروں ریڈنگ ، ڈربی  اور نوٹنگھم(Nottingham) میں آن لائن مدنی انعامات اجتماعات منعقد کئے گئے۔ دعوتِ اسلامی کی مُبَلِّغات نے  ان اجتماعات میں شریک اسلامی بہنوں کو مدنی انعامات سے متعلق تفصیلات بتاتے ہوئے آسانی کے ساتھ مدنی انعامات پر عمل کرنے کے طریقے بیان کئے اور اپنی زندگی مدنی انعامات کے مطابق گزارنے کی ترغیب دلائی۔

 

Share

Articles

Comments


Security Code