کون سا رنج ہے جو دور نہ ہو    کیجئے پڑھ کر دم درود و سلام

ہے فریدیؔ یہ عاشقوں کی ادا      ہر سفر، ہر قدم درود و سلام

صَلُّوْا عَلَی الْحَبیب!                                               صَلَّی اللہُ  عَلٰی مُحَمَّد

بیان سننے کی نیتیں

حدیثِ پاک میں ہے: اِنَّمَا الْاَعْمَالُ بِالنِّیَّات اَعْمَال کا دار ومدار نیتوں پر ہے۔^([1])

پیارے اسلامی بھائیو! اچھی نیت بندے کو جنّت میں پہنچا دیتی ہے، بیان سننے سے پہلے کچھ اچھی اچھی نیتیں کر لیجئے! مثلاً نیت کیجئے:*رِضَائے اِلٰہی کے لئےپورا بیان سُنوں گا *عِلْمِ دین سیکھوں گا *ادب سے بیٹھوں گا*نصیحت حاصِل کروں گا *اَحْمَدِ مجتبیٰ، مُحَمَّدِ مصطفےٰ صلی اللہُ عَلَیْہِ وَ آلِہٖ وَسَلَّم کا نامِ پاک سُن کر درودِ پاک پڑھوں گا*نیک بندوں کا ذکر سُن کر رحمت کا حقدار بنوں گا*دل میں نیک لوگوں کی محبت بڑھاؤں گا۔

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

امام سُیُوطِی  رَحمۃُ اللہِ عَلَیْہ کی ایک کرامت

امام جلالُ الدِّیْن سُیُوطِی شافعی  رَحمۃُ اللہِ عَلَیْہ کے ایک خادِم تھے:حضرت محمد بن علی  رَحمۃُ اللہِ عَلَیْہ ۔ آپ فرماتے ہیں:ایک روز امام سُیُوطِی  رَحمۃُ اللہِ عَلَیْہ نے مجھے فرمایا:اگر میرے مرنے سے پہلے تم میرا راز ظاہِر نہ کرو تو آج عصر کی نَماز مکہ مُکَرَّمہ میں پڑھنے کا ارادہ ہے۔ میں نے عرض کیا:جی!ٹھیک ہے(میں راز ظاہِر نہیں کروں گا)۔امام سُیُوطِی رَحمۃُ اللہِ عَلَیْہ نے میرا ہاتھ پکڑ لیا اور فرمایا: آنکھیں بند کر لو!میں نے آنکھیں بند کر لیں۔ہم تقریباً 27 قدم چلے تھے