ہیں *اس کے اعمال نامے میں 10 نیکیاں لکھی جاتی ہیں *10 گُنَاہ معاف ہوتے ہیں *10 درجات بلند ہوتے ہیں *جو صِرْف ایک بار درود شریف پڑھتا ہے،اس کی 100 حاجتیں پُوری ہوتی ہیں*بندہ جب تک درود پڑھتا رہتا ہے، فرشتے اس پر درود بھیجتے رہتے ہیں *دُنیا میں کثرت سے درود پڑھنے والا روزِ قیامت آقا صَلَّی اللہُ عَلَیْہِ وَاٰلِہٖ وَسَلَّم کے زیادہ قریب ہو گا*کثرت سے درود پڑھنے والا قیامت کی ہولناکیوں سے جلد نجات پا لے گا*جو بندہ 10 مرتبہ صبح، 10 مرتبہ شام کو درودِ پاک پڑھے،اسے روزِ قیامت آقا  صَلَّی اللہُ عَلَیْہِ وَاٰلِہٖ وَسَلَّم کی شفاعت نصیب ہو گی*جو کثرت سے درود پڑھتا ہے،روزِ قیامت عرش کے سائے میں جگہ پائے گا*جو بندہ کسی کتاب میں درودِ پاک لکھے،جب تک وہ درود لکھا رہے گا، فرشتے اس کے لئے مَغْفِرَت کی دُعا کرتے رہیں گے*آخر میں امام سُیُوطِی رحمۃُاللہ علیہ نے ایک روایت ذِکْر کی:اللہ پاک نے حضرت موسیٰ عَلَیْہِ السَّلام کی طرف وحی فرمائی:اے موسیٰ! کیا تم چاہتے ہو کہ روزِ قیامت تمہیں پیاس نہ لگے؟عرض کیا:جی ہاں!مولیٰ!میں چاہتا ہوں۔ فرمایا: پِھر میرے محبوب،  مُحَمَّد مصطفےٰصَلَّی اللہُ عَلَیْہِ وَ آلِہٖ وَ سَلَّم پر کثرت سے درود پڑھا کرو!^([1])

شانِ لوح و قلم درود و سلام       جانِ عرش و اِرم^(جنّت) درود و سلام

حُکمِ پروردِگار صَلُّوا عَلَیْہ         ہم پڑھیں دم بدم درود و سلام

تاکہ دھڑکن بھی اُن کا نام جپے   دل پہ کر لو رقم درود و سلام

یہ وظیفہ ہے قوّتِ مومن          ہونے دے گا نہ خَم درود و سلام

قبر میں حشر میں یہ رکھے گا    عاصیوں کا بَھرَم  درود و سلام

جس نے تھاما بلند بخت ہوا        عظمتوں کا عَلم  درود سلام