12 دینی کاموں میں سے ایک دینی کام: فجر کے لئے جگانا

اے عاشقانِ رسول !دِل میں عشقِ رسول بڑھانے، نیک بننے اور ایمان کی حفاظت کا ذِہن پانے  کے لئے دعوتِ اسلامی کے دینی ماحول سے وابستہ ہو جائیے اور دعوتِ اسلامی کے دینی کاموں میں بڑھ چڑھ کر حصہ لیجئے!اِنْ شَآءَ اللہ الْکَرِیْم! نیکیاں کرنے اور گناہوں سے بچنے کا ذہن بنے گا۔ ذیلی حلقے کے 12دینی کاموں میں ایک دینی کام ہے: فجر کے لئے جگانا  Aنمازِ فجر کے لئے جگانا سُنَّتِ مصطفےٰ ہے؛ * اللہ پاک کے آخری نبی، رسولِ ہاشمی صَلَّی اللہ عَلَیْہِ وَ آلِہٖ وَسَلَّم فجر کے لئے جاتے ہوئے سوئے ہوؤں کو جگاتے تھے^([1])  * مسلمانوں کے دوسرے خلیفہ حضرت عمر فاروقِ اعظم  رَضِیَ اللہ عنہ  کا بھی یہی انداز تھا ^([2])اور   * مسلمانوں کے چوتھے خلیفہ حضرت علی المرتضی  رَضِیَ اللہ عنہ بھی اس پیاری پیاری سُنّت کے عامِل تھے۔^([3])Aآپ بھی یہ سُنَّت اپنائیے! نماز ِ فجر کے لیے جگایا کیجئے! اِنْ شَآءَ اللہ الْکَرِیْم! بہت برکتیں ملیں گی  * دوسروں کو جگائیں گے تو خود بھی نمازِ فجر باجماعت پڑھنے کی سَعَادت ملے گی  * صبح صبح نیکی کی دعوت عام کرنے کا ثواب ملے گا  * آپ کے جگانے سے جتنے لوگ نماز پڑھیں گے، ان سب کی نمازوں کا ثواب انہیں بھی ملے گا اور اِنْ شَآءَ اللہ الْکَرِیْم! آپ کے اعمال نامے میں بھی لکھا جائے گا  * صبح صبح پیدل چلنے  کا موقع ملے گا تو صحت اچھی رہے گی  * ایک اَہَم فائدہ یہ کہ مسجد کی رونق بڑھ جائے گی،  ایک اسلامی بھائی کا بیان ہے: ہم نے سردیوں میں نمازِ فجر کے لئے جگانا شروع کیا تو اتنے نمازی بڑھے کہ  صحنِ مسجد میں شامیانے لگانے پڑ گئے۔ سُبْحٰنَ اللہ!