پیارے اسلامی بھائیو!ہمارے معمولات میں سے کئی کام ایسے ہیں جنہیں اگر سنّت کے مطابق کیا جائے تو ہم ثواب کے حقدار بن سکتے ہیں مثلاً سنت کے مطابق کھانا پینا ،چلنا پھرنا، سونا جاگنا، مسواک کرنا،لباس پہننا،جوتے پہننا، اُتارنا،تیل لگانا،ناخن کاٹنا، گفتگو (Conversation)   کرنا وغیرہ، اگر ہم یہ سب کام سُنّت کے مطابق کرنا شروع کر دیں تو اِنْ شَآءَ اللہ الْکَرِیْم! دِن رات میں ہزاروں نیکیاں کمانے میں کامیاب (Successful) ہو جائیں گے۔

تِری سنَّتوں پہ چل کر مری روح جب نکل کر             چلے تُو گلے لگانا مَدنی مدینے والے

تِرے نام پر ہو قرباں مِری جان،جانِ جاناں    ہو نصیب سَر کٹانا مَدنی مدینے والے^([1])

پیارے اسلامی بھائیو! روزہ مرّہ کے معمولات سے متعلق سینکڑوں سنتیں سیکھنے کے لئے بہارِ شریعت حِصَّہ 16 اور امیر اہلسنت  دامت بَرَکاتُہمُ العالیہ  کا رسالہ 550 سنتیں و آداب پڑھ لیجئے! سنتیں سیکھنے کا ایک ذریعہ دعوتِ اسلامی کے مدنی قافلوں میں عاشقانِ رسول کے ساتھ سنتوں بھرا سفر بھی ہے۔

سنتیں سیکھنے تین دِن کے لئے                                                          ہر مہینے چلیں، قافلے میں چلو

رَبّ کے در پر جھکیں، التجائیں کریں                                     بابِ رحمت کھلیں، قافلے میں چلو^([2])

(3):مسلمان کو دھوکا دینے والا ہم سے نہیں

اللہ پاک کے محبوب نبی، رسولِ ہاشمی  صَلَّی اللہ عَلَیْہِ وَ آلِہٖ وَ سَلَّم  نے فرمایا: مَنْ غَشَّنَا فَلَیْسَ