Farishton Ki Duain Lijiye

Al Quran Books Madani Channel

Magazine Courses Media

پتا چلا؛ جو بندہ کثرت سے توبہ کرتا ہے، اللہ پاک اُسے اپنا مَحْبُوب بنا لیتا ہے۔

اللہ اکبر! دیکھیے! یہ کتنی اُونچی شان ہے، اللہ پاک کا مَحْبُوب یعنی پیارا بن جانا کوئی آسان بات تو نہیں ہے، یہ کوئی معمولی رُتبہ نہیں ہے، اللہ پاک تمام جہانوں کا رَبّ ہے، سب جہانوں کا خالِق ہے، جو اس مالِکِ کریم کا پیارا ہو جائے، اُس کے پاس کمی ہی کس چیز کی رہ جائے گی...؟ صُوفیائے کرام فرماتے ہیں: مَنْ لَہُ الْمَوْلیٰ فَلَہُ الْکُلّ جو اللہ پاک کا ہو جائے، سب کچھ اُسی کا ہو جاتا ہے۔^{(^[1])}

پتا چلا؛ تَوبہ وہ عظیم نعمت ہے کہ جو بندہ توبہ کرتا ہے، وہ اللہ پاک کا مَحْبُوب ہو جاتا ہے اور جو اللہ پاک کا مَحْبُوب ہو جائے، اُسے یہ رُتبہ ملتا ہے کہ سب کچھ اُسی کا ہو جاتا ہے، نہ اُسے دُنیا میں کچھ کمی رہتی ہے، نہ آخرت کا کوئی خطرہ رہ جاتا ہے۔

مَت گُناہوں پہ ہو بھائی بے بَاک تُو بُھول مَت یہ حقیقت کہ ہے خَاک تُو

تَھام لے دَامَنِ شاہِ لَوْلَاک تُو سچّی تَوبہ سے ہو جائے گا پاک تُو^{(^[2])}

تَوبَہ کے چند فائدے

تَوبَہ کرنے والا بہت اُونچے دَرْجے والا ہوتا ہے *جو تَوبَہ کرتا ہے،اُسے کامیابی ملتی ہے*جو تَوبَہ کرتا ہے، اللہ پاک اُسے اپنا مَحْبُوب بنا لیتا ہے *اُس پر رحمت برستی ہے *اُس کے گُنَاہ مِٹا دئیے جاتے ہیں *روزِ قیامت اُسے جنّت عطا کی جائے گی *جہنّم سے چھٹکارا نصیب ہو گا *اِنْ شَآءَ اللہ الْکَرِیْم! دُنیا بھی سَنْور جائے گی اور آخرت بھی بہتر ہو جائے گی۔

[1]...سبع سنابل، سنبلۂ سوم در ترک و قناعت و توکل وتبتل، صفحہ:92۔

[2]...وسائلِ بخشش، صفحہ:656 ملتقطًا۔

Important

Mobile Apps

Contact Us