وصِیت  بھی لکھ کر وارثوں کو دے دینی چاہیے۔ بلکہ اللہ پاک نے ہمیں حکم دیا:

یٰۤاَیُّهَا الَّذِیْنَ اٰمَنُوْۤا اِذَا تَدَایَنْتُمْ بِدَیْنٍ اِلٰۤى اَجَلٍ مُّسَمًّى فَاكْتُبُوْهُؕ- (پارہ:3، سورۂ بقرہ:282)

تَرْجمۂ کَنْزُالعِرْفان:اے ایمان والو! جب تم ایک مُقَرَّرمدت تک کسی قرض کا لین دین کرو تو اُسے لکھ لیا کرو۔

اِس حکمِ قرآنی پر عَمَل کرتے ہوئے اپنے لَیْن دَین کے معاملات کسی جگہ لکھتے رہنا چاہیے  تاکہ ہمارے مرنے کے بعد  یہ مَعْلُوم ہو کہ ہم پر کتنا قرض تھا، تاکہ ہمارے مال سے اُس کی ادائیگی کی جا سکے، کیونکہ اَدائیگی نہ ہونے کی صورت میں روزِ قیامت پھنس جانے کے پُورے پُورے امکانات ہیں۔

اللہ پاک ہمیں جہنّم سے بچائے، بلا حساب جنّت میں داخلہ نصیب فرما دے۔

اٰمِیْن بِجَاہِ خَاتَمِ النَّبِیّٖن  صَلَّی اللہ عَلَیْہِ وَ آلِہٖ وَ سَلَّم  ۔

میرا نازُک بَدن جہنّم سے                                                                                               اَزْ طُفیلِ رضا بچا یاربّ!

طالِبِ مغفِرت ہوں   یااللہ!                                                                               بخش       حیدر       کا       واسطہ        یاربّ!^([1])

قرض لوٹانے کی پکّی نِیّت رکھیے!

ایک اور حدیثِ پاک سنیے!  سرکارِ عالی وقار، مکی مَدَنی تاجدار  صَلَّی اللہ عَلَیْہِ وَ آلِہٖ وَ سَلَّم  نے فرمایا:  جس نے قر ض لیا اور وہ اُسے ادا کرنے کا ارادہ رکھتا ہے بلکہ اُسے ادا کرنے کے مُعَاملہ  میں حریص ہے پھر وہ اُسے ادا کیے بغیر مرگیا تو اللہ پاک اِس با ت پر قا دِر ہے کہ اُس کے قرض خواہ کو اپنے پسندیدہ انعامات کے ذریعے راضی کر دے اور مرنے والے کی مغفرت