دې هر څۀ باوجود هغوئي پۀ خپل ځائے باندې کلک ولاړ وو. دا صبر دے.

د حِکمت يوه خبره

 دلته پۀ يوه خبره باندې ځان لږ پۀ توجه سره پوهه کړئ! علمائے کرامو ليکلي دي چې د الله پاک د معرفت طريقه دا ده چې بنده پۀ اَفعالِ اِلٰہی باندې ځان پوهه کړي^([1]). الله پاک کوم څيز د کوم څيز نتيجه جوړه کړې ده، پۀ دې خبره باندې ځان پوهه کول، پۀ دې باندې غور کول، د دې سره حکمت ميلاؤيږي، د الله پاک پيژندګلو نصيب کيږي * د مثال پۀ توګه د محنت نتيجه څۀ ده؟ کاميابي. * د اِخلاص نتيجه څۀ ده؟ قُبُولِيَّت * د توکل نتيجه څۀ ده؟ د الله پاک خاص مدد ميلاؤيدل. ارشاد دے:

وَ مَنْ یَّتَوَكَّلْ عَلَى اللّٰهِ فَهُوَ حَسْبُهٗؕ- (پارہ:28، سورۀ طلاق:3)

ترجمهٴ کنزُ العِرفان: او څوک چې پۀ الله توکل اوکړي نو هغه د هغۀ د پاره کافي دے.

نو الله پاک پۀ دې دُنيا کښې هر څيز د بل څيز سره تړلے دے، چې دا کار وکړې نو دا نتيجه به يـې راوځي، چې هٰغه کار وکړې نو هٰغه نتيجه به يـې راوځي. دې ته اَفعالِ اِلٰہی وئيلے شي.

* اِمامت * رهبري * مشري * ليډر شِپ چې کوم دے نو دا د صبر نتيجه ده. دا د نوټ کولو خبره ده، صبر وکړئ، همت وکړئ، اِستقامت اختيار کړئ، که هر څنګه حالات هم راشي، پۀ خپله لاره باندې قائم اوسئ، کلک ودريږئ، د دې پۀ بدله کښې الله پاک اِمامت، مشري او رهبري عطا کوي. پۀ قرآنِ کريم کښې دي:

وَ جَعَلْنَا مِنْهُمْ اَىٕمَّةً یَّهْدُوْنَ بِاَمْرِنَا لَمَّا صَبَرُوْا۫ؕ- (پارہ:21، سورۀ سجدہ:24)

ترجمهٴ کنزُ العِرفان: او چې کله بني اسرائيلو صبر اوکړو نو مونږه د هغوئي نه څۀ خلق اِمامان جوړ کړل کومو به چې زمونږه پۀ حُکم رهنمائي کوله.