جبریلِ امین عَلَیْہِ السَّلَام  کی زیارت کی

ایک مرتبہ سیدُ الشُہَداء حضرت امیرِ حمزہ رَضِیَ اللہ عنہ  نے بارگاہِ رسالت میں عرض کیا : یارسول اللہ صلی اللہ عَلَیْہِ وَ آلِہٖ وَسَلَّم ! میں حضرت جبریلِ امین عَلَیْہِ السَّلَام  کو اُن کی اَصْل صُورت میں دیکھنا چاہتا ہوں۔ رسولِ ذیشان ، مکی مدنی سلطان صلی اللہ عَلَیْہِ وَ آلِہٖ وَسَلَّم  نے فرمایا : چچا جان ! آپ اس کی طاقت نہیں رکھتے۔ حضرت حمزہ رَضِیَ اللہ عنہ نے اِصْرار کیا  ( یعنی بار بار عرض کیا کہ میں نے دیکھنا ہی دیکھنا ہے ) ، اس پر مالِک و مختار نبی ، رسولِ ہاشمی صلی اللہ عَلَیْہِ وَ آلِہٖ وَسَلَّم  نے فرمایا : زمین پر بیٹھ جائیے ! حضرت امیر حمزہ رَضِیَ اللہ عنہ  بیٹھ گئے۔  تھوڑی دیر بعد حضرت جبریلِ امین عَلَیْہِ السَّلَام  کعبہ شریف پر اُترے ، رسولِ اکرم ، نورِ  مُجَسَّم صلی اللہ عَلَیْہِ وَ آلِہٖ وَسَلَّم  نے فرمایا : چچا جان ! نگاہ اُٹھائیے ! اور دیکھئے ! جونہی حضرت امیر حمزہ رَضِیَ اللہ عنہ  نے نگاہ اُٹھائی ، حضرت جبریلِ امین عَلَیْہِ السَّلَام  کو ان کی اَصل صُورت میں دیکھا تو اس کی تاب نہ لائے اور بےہوش ہو گئے۔ ^{( [1] )}   

پیارے آقا صلی اللہ عَلَیْہِ وَ آلِہٖ وَسَلَّم  کا پسندیدہ نام

پیارے اسلامی بھائیو ! ہمارے آقا و مولیٰ ، محمد مصطفےٰ صلی اللہ عَلَیْہِ وَ آلِہٖ وَسَلَّم  اپنے چچا جان حضرت امیر حمزہ رَضِیَ اللہ عنہ  سے بہت محبت فرمایا کرتے تھے ، حضرت جابِر رَضِیَ اللہ عنہ  فرماتے ہیں : ایک مرتبہ ایک شخص بارگاہِ رسالت میں حاضِر ہوا اور عرض کیا : یارسولَ اللہ صلی اللہ عَلَیْہِ وَ آلِہٖ وَسَلَّم ! ہمارے ہاں بیٹے کی وِلادت ہوئی ہے ، اس کا نام کیا رکھیں ؟ رسولِ رحمت ، شفیعِ اُمّت صلی اللہ عَلَیْہِ وَ آلِہٖ وَسَلَّم  نے فرمایا : مجھے اپنے چچا حمزہ بن عبد المطلب کا نام بہت پسند ہے ، اپنے بچے کا