دیا گیا مگر قیامت کے روز اسے گرفتار کر کے لایا جائے گا ، اس سے مراد ابوجہل ہے۔ ^{( [1] )}  

اللہ و رسول کا شیر

معجمِ کبیر میں ہے : اللہ پاک کے آخری نبی ، رسولِ ہاشمی صلی اللہ عَلَیْہِ وَ آلِہٖ وَسَلَّم  نے فرمایا : اس ذات کی قسم جس کے قبضے میں میری جان ہے ! بےشک ساتویں آسمان پر لکھا ہے : حَمْزَةُ بْن عَبْدِ الْمُطَّلِبِ أَسَدُ اللهِ وَأَسَدُ رَسُوْلِهِ  یعنی حضرت حمزہ بن عبد المطلب اللہ اور اس کے رسول کے شیر ہیں۔  ^{( [2] )}

حضرت حمزہ جنت میں ٹیک لگائے ہوئے

حضرت عبد اللہ بن عبّاس  رَضِیَ اللہ عنہما  سے روایت ہے ، اللہ پاک کے آخری نبی ، رسولِ ہاشمی صلی اللہ عَلَیْہِ وَ آلِہٖ وَسَلَّم  نے فرمایا : رات میں جنّت میں داخِل ہوا تو دیکھا؛ حمزہ  ( رَضِیَ اللہ عنہ ) اپنے دوستوں کے ساتھ موجود تھے۔ ^{( [3] )}  

ایک روایت میں ہے ، فرمایا : رات میں جنّت میں داخِل ہوا تو دیکھا : حضرت جعفر طیار رَضِیَ اللہ عنہ  فرشتوں کے ساتھ ہوا میں اُڑ رہے تھے جبکہ حضرت حمزہ رَضِیَ اللہ عنہ  تخت پر ٹیک لگائے بیٹھے تھے۔ ^{( [4] )}