Dil Ki Islah Kyun Zaroori Hai

Al Quran Books Madani Channel

Magazine Courses Media

ڈاکوؤں سے بچایا جائے تاکہ ہمارا اتنا قیمتی خزانہ محفوظ رہ سکے۔^{( ^[1] )}

پیارے اسلامی بھائیو ! دِل ہی اَصْل سرمایہ ہے ، یہی اَصْل زِندگی ہے ، دِل ہی اللہ پاک کی نظر کا مقام ہے ، دِل کی پاکیزگی کامیابی کا ذریعہ ہے ، اس کی بدولت ہی اللہ پاک کی معرفت نصیب ہوتی ہے ، ہمیں چاہئے کہ ہم دِل کی صَفَائی ستھرائی پر بھرپُور تَوَجُّہ دیں ، دِل کو گُنَاہوں کے مَیْل سے بچائیں ، باطنی گُنَاہوں سے دِل پاک کریں ، بغض و کینہ ، بدگمانی ، محبّتِ دُنیا ، محبّتِ مال ، غرور ، تکبر ، حَسَد وغیرہ غلاظتوں سے دِل کو محفوظ رکھیں۔ اللہ پاک ہمیں دِل کی پاکیزگی نصیب فرمائے۔ اٰمِیْن بِجَاہِ خَاتَمِ النَّبِیّٖن صَلَّی اللہ عَلَیْہ وَآلِہٖ وَسَلَّم ۔

دِل کی 4 بیماریاں اور ان کے علاج

پیارے اسلامی بھائیو ! دِل کی بیماریاں بےشُمار ہیں اور ان کے علاج بھی بہت زیادہ ہیں ، امام غزالی رحمۃُ اللہ علیہ نے منہاج العابدین میں ان کا خُلاصہ کیا ہے ، آپ فرماتے ہیں : دِل کی سختی کے 4بنیادی اسباب ہیں ، اگر آدمی ان سے بچ جائے تو اِنْ شَآءَ اللہ الْکَرِیْم ! اس کا دِل صاف ہو جائے گا۔

( 1 ) : دِل کی سختی کا پہلا سبب : لمبی اُمِّید

دِل کی سختی کا پہلا سبب ہے : لمبی اُمِّید ؛ یعنی لمبے عرصے تک زِندہ رہنے کا یقین۔ یہ دِل کی سختی کا بنیادی سبب ہے ، اللہ پاک قرآنِ کریم میں فرماتا ہے :

فَطَالَ عَلَیْهِمُ الْاَمَدُ فَقَسَتْ قُلُوْبُهُمْؕ ( پارہ : 27 ، سورۂ حدید : 16 )

ترجَمہ کنزُ الایمان : پھر ان پر مدت دراز ہوئی تو ان کے دل سخت ہوگئے۔

[1]...منہاج العابدین مترجم ، صفحہ : 145۔

Important

Mobile Apps

Contact Us