لري حالانکه داسې هيڅکله هم نشي کيدے، صرف د الله پاک عِلم کامِل دے، څوک هم د هغه نه د زيات عِلم والا نشته، هغه ته د خپل عِلمِ ازلي نه پته وه او څه چې زمونږ په حق کښې بهتر وو، هغه ئې راعطا کړه۔ ځکه مونږ له پکار دي چې مونږ په هر حال کښې د الله پاک په رضا، رضا شو۔

ښپه ولې زخمي شوه۔۔۔؟

د حضرت لقمانِ حکيم رَحْمَةُ اللهِ عَلَيْه په باره کښې نقل دي، چې هغوئي يوه ورځ خپل ځوي ته اوفرمائيل: تاته چې کومه معامله هم درپيښه شي، که په تا ښه اولګي او که بد، په خپل زړه کښې دا ساته چې هغه ستا په حق کښې بهتر دي۔  ځوي ئې عرض اوکړو: بابا جانه! دا خبره راته لږه په وضاحت سره اوفرمائيئ! داسې څنګه کيدے شي چې هره خبره زما په حق کښې بهتره وي؟ حضرت لقمانِ حکيم رَحْمَةُ اللهِ عَلَيْه اوفرمائيل: په يو کلي کښې د الله پاک يو نبي عَلَیْهِ السَّلَام تشريف فرما دے، راځئ! د هغوئي په خدمت کښې حاضريږو، هغوئي به مونږ په ډير ښه انداز کښې پوهه کړي۔ نو دواړو (پلار او ځوي) د سفر سامان راوخِست، دواړه په ځناورو (سورلو) سواره شول او د عِلمِ دين زده کولو د پاره روان شول، ډيره ګرمي وه، سفر اوږد وو، په لاره کښې خوراک او اوبه ختمې شوې، دواړه پلار او ځوي ستړي هم شو، ځناور هم ستړي شو، اوس دا دواړه صاحبان د ځناورو نه کوز شول او پيدل روان شو، په لاره تلل چې ډير لرې حضرت لقمانِ حکيم رَحْمَةُ اللهِ عَلَيْه ته لوګے په نظر راغلو، لږه طمع ئې پيدا شوه چې