د رَبّ په رضا د رضا کيدو د پاره څه اوکړو؟

خوږو او محترمو اسلامي ورونړو! د الله پاک په رضا د رضا کيدو عادت جوړولو د پاره ډيرې زياتې طريقې خپليدے شي، مثلاً د الله پاک په رضا د رضا کيدو فضيلتونه اولولئ، د الله پاک نيک بنده ګان کوم چې به هميشه د هغه په رضا، رضا کيدل، د هغوئي سيرت اولولئ (د هغې د پاره د احیاء العلوم، جلد: 5 نه د رضا بیان لوستل ګټه ور دے)، دغه شان په تکليف، مصيبت، پريشانئ، غريبئ وغيره د ميلاويدونکو ثوابونو لوستل اوکړئ (مثلاً د شیخِ طریقت، امیرِ اهلسنت دَامَـتْ بَـرَكَـاتُـهُـمُ الْـعَـالِـيَـهْ رساله غریب فائدے میں ہے او بیمار عابِد د دې په برکت به اِنْ شَآءَ اللہُ الْکَرِیم! د الله پاک په رضا د رضا کيدو ذهن جوړ شي۔

پيرانِ پير، حضور غوثِ اعظم شيخ عبد القادر جيلاني رَحْمَةُ اللهِ عَلَيْه د الله پاک په رضا د رضا کيدو د پاره 2 آسانې طريقې ښودلې دي، هغوئي فرمائي: (1): کوم کَس چې د الله پاک په رضا، رضا کيدل غواړي، هغه له پکار دي چې مرګ هميشه ياد ساتي ځکه چې د مرګ ياد د دنيا مصيبتونه آسانوي (2): په کومه خبره چې په زړه کښې ګِله راشي نو په هغه خبره دې د ګِلې په ځائے، د الله پاک نه سوال اوکړئ، مثلاً څوک غريب شو يا څوک بيمار شو، نو اوس د هغه په زړه کښې وَسوَسې راځي نو هغه له پکار دي چې د غريبئ ګِله نه کوي بلکه د الله پاک په بارګاه کښې سوال اوکړي: چې اے الله پاکه! زما نه غريبې لرې کړې، يا الله پاکه! ما د بيمارئ نه جوړ کړې۔