Book Name:ALLAH Pak Ki Raza Sab Say Bari Naimat Hai
بوځي۔([1])
اے عاشقانِ رَسُول! د ښه ښه نيتونو سره د عمل ثواب زياتيږي۔ راځئ! د بيان اوريدلو نه مخكښې ښه ښه نِيَّتونه اوكړئ: مَثَلاً نِيَّت اوکړئ چې* د الله پاک د رضا د پاره به بيان اورم. * د عِلمِ دِين د تعظيم [يعني ادب] په نِيَّت به بااَدبه كښينم * ښه په توجو به بيان اورم * څه چې واورم د هغې به د يادولو، پخپله پرې د عمل كولو او نورو ته د رَسَولو كوشش كووم.
صَلُّوۡا عَلَى الۡحَبِيۡب صَلَّى اللّٰهُ عَلٰى مُحَمَّد
د الله پاک نه رضا کيدل څه ته وائي؟
حضرت رابعه بصريه رَحْمَةُ اللهِ عَلَيْها د الله پاک وليه ده، ډيره نيکه او عبادت ګزاره وه، يوه ورځ هغې تشريف ايښودے وو، د هغې په مخکښې يو کَس دُعا اوکړه: چې يا الله پاکه! زما نه رضا شې۔
دا دُعا بالکل جائزه ده، عام طور داسې دُعا غوښتلے هم شي خو د اوليائے کامِلينو خپل ځانګړے انداز دے، چې حضرت رابعه بصريه رَحْمَةُ اللهِ عَلَيْها د هغه کَس د خُلې نه دا دعا واوريدله نو اوئې فرمائيل: اے انسانه! تا له شرم نه درځي۔۔۔؟ د الله پاک نه د هغه رضا غواړې خو ته پخپله د هغه نه رضا نه ئې۔