(مثلاً مالدار خلق) د هغوئي نه دُنيا څنګه اوغواړم؟ دا د حكمت نه ډك كلام ئې چې واوريدلونو حضرت سُفيان ثَوري رَحْمَةُ اللهِ عَلَيْه  بيرته لاړلو او د هغوئي په ژبه دا الفاظ وو: ما داسې كلام كله هم نه وو اوريدلے.^[1]

    اے عاشِقانِ رسول! د حضرت رابِعَه بصريه رَحْمَةُ اللهِ عَلَيْهَا دې ښكلي انداز باندې غور اوكړئ! يو خو دا چې هغوئي قناعت اختيار كړے وو، د خلقو نه سُوال كول ئې نه خوښول، دويم دا چې کله د هغې د غريبئ ذِكر اوكړے شو نو څنګه د عِلم و حِکمت او شکر ګُزارئ او صبر نه ډک جواب ئې ورکړو چې: اے سُفيان! تاسو زما په حال كښې څه كمے ليدلے دے؟ آيا زه مسلمانه نه يم....؟ اسلام هغه عِزَّت دے چې ذِلَّت ورسره نشته، اسلام هغه مالداري ده چې محتاجي ورسره نشته.

     الله پاك دِ مونږ ته هُم د حضرت رابِعَه بصريه رَحْمَةُ اللهِ عَلَيْهَا په بركت هر وخت د شُكر ادا كولو توفيق راعطا كړې. اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم 

نِعمَتونه په توَجُّه كښې ساتئ

    نن صبا په دُنيا كښې غريب ډير زيات دي، بے وسه او ناداره ډير دي خو داسې غريب به په ډيره مشكله اوموندلے شي چې هغه دا وائي چې زما سره د اِيمان دولت دے [که دُنياوي مال راسره نه وي نو بيا هُم] زه ډير غټ مالداره يم. حالانكه اِيمان د ټولو نه غټ دولت دے، كه د مال و دولت اَهَمِّيَّت د اِيمان نه زيات وے نو قارون به نه برباديدو، كه د طاقت، قُوَّت او بادشاهت اَهَمِّيَّت د اِيمان نه زيات وے نو فرعون به نه