كولے، لاسونه، غوږونه، ښپے، سر، دِماغ دا ټول د الله پاك نِعمَتونه دي، په بدن كښې دننه نِظام زړه، اِينه، پړپوس، معده، كُولـمې، دا ټول د الله پاك نِعمتونه دي، د دې ټولو نِعمتونو شمير كول ډير مشكل كار دے، مونږ ته بعضې وخت د دې نعمتونو نومونه هم نه وي معلوم، زمونږ د بدن په دننه حصَّه كښې څومره اندامونه داسې دي چې مونږه ئې استعمالوو خو مونږ ته د هغې نومونه هُم معلوم نه دي، دا ټول د الله پاك نعمتونه دي.

د يو مالدار كس د ټولو نه غټ خواهش

     يو ډير مالدار سړے وو، د هغه د سترګو څرمن (كومه چې د سترګو په ګاټو د پاسه راخوره وي، چې سترګه محفوظه ساتي هغې) كار پريښودے وو، دا آټوميټک نِظام كوم چې الله پاك مونږ ته عطا كړے دے، كه يو خڅنړے سترګې طرف ته راځي نو هُم سترګه پخپله پټه شي.

      هغه مالدار سړي ته دا مسئله جوړه شوه چې د سترګو د څرمنې پټـو ئې كار پريښودے وو د هغه د څرمنې خود كار نِظام خراب شوے وو يعنې هغه به په خپله خوښه نه شوې بنديدلے، د دُنيا مالداره سړے وو، په لكونو كروړونو روپئ ئې په علاج خرچ كړې خو شِفا ئې نصىب نه شوه. يو ځل چا د هغه مالداره سړي نه تپوس اوكړو: جناب! ستا د ژوند د ټولو نه غټ خواهش څه دے؟ هغه يو سوړ اسويلے اوكړو او اوئې وئيل: كاش چې ما خپلې سترګې په خپله خوښه بيرته كولے شوې.