اہلسنت  دَامَتْ بَرَکَاتُہُمُ الْعَالِیَہ سے بیعت کر کے عطاری بن گیا۔  الحمد للہ! اسی اعتکاف کی برکت سے میرے چہرے پر داڑھی شریف بھی سج گئی اور  سَر پر عمامے کا تاج بھی آگیا ۔

اسی ماحول نے ادنیٰ کو اعلیٰ کر دیا دیکھو       اندھیرا ہی اندھیر تھا ، اُجالا کر دیا دیکھو

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

پیارے اسلامی بھائیو! بیان کو اختتام کی طرف لاتے ہوئے سُنّت کی فضیلت اور  چند آدابِ زندگی بیان کرنے کی سَعَادت حاصِل کرتا ہوں۔ ایک روز تاجدارِ رسالت ، شہنشاہِ نبوت صَلَّی اللّٰہ عَلَیْہِ واٰلہٖ وسَلَّمنے 3 مرتبہ فرمایا : میرے نائِب پر اللہ پاک کی رَحمت ہو۔ عَرْض کیا گیا : حُضُور! آپ کے نائِب کون ہیں؟ فرمایا : میری سُنّت سے مَحبَّت کرنے اور دوسروں کو سکھانے والے۔ ^([1])

سینہ تیری سُنّت کا مدینہ بنے آقا!          جنت میں پڑوسی مجھے تم اپنا بنانا

ولیمہ کرنا سُنَّتِ مصطفےٰ  ہے

دوفرامینِ مصطفےٰ صَلَّی اللہُ عَلَیْہِ وَاٰلِہٖ وَسَلَّم : 1 : ولیمہ کرو اگرچہ ایک بکری سے ہی ہو^([2]) 2 : بُرا کھانا اُس ولیمے کا ہے جس میں مالدار بُلائے جائیں اور غریب چھوڑ دئیے جائیں۔ ^([3])

اے عاشقانِ رسول ! ولیمہ کرنا سُنّتِ مصطفےٰ صَلَّی اللہُ عَلَیْہِ وَاٰلِہٖ وَسَلَّم  ہے *ہمارے آقا ، مکی مدنی مصطفےٰ صَلَّی اللہُ عَلَیْہِ وَاٰلِہٖ وَسَلَّم  ولیمہ کیا کرتے تھے  * اُمُّ المُؤْمِنِیْن حضرت صفیہ رَضِیَ اللّٰہُ عَنْہَا سے نِکاح کے وقت پیارے آقا ، رسولِ خُدا صَلَّی اللہُ عَلَیْہِ وَاٰلِہٖ وَسَلَّم  نے ولیمے میں حَرِیْسہ