رِیاکار کی ایک عبرتناک مثال

 اے عاشقانِ رسول ! غور فرمائیے! کیسی نقصان کی بات ہے کہ ایک شخص جس نے محنت کی ، مشقت اُٹھائی ، نیک اَعْمَال کئے مگر اَفْسَوس! شیطان کی باتوں میں آکر ، رِیاکاری کی نیت سے اپنی نیکیوں کا اِظْہار کر کے نیک اَعْمَال ضائع کر بیٹھا۔ آہ! ریاکاری کی نیت سے نیکیوں کا اِظْہار کرنے والے کا محض عَمَل بےکار کر دیا جاتا ، تب بھی صِرْف اتنا ہوتا کہ گویا اس نے نیکی کی ہی نہیں لیکن بات ایسی نہیں ہے بلکہ رِیاکار تو وہ خطا کار ہے ، جو کرتا نیکی ہے مگر ریاکاری کے سبب گنہگار لکھ دیا جاتا ہے۔ دِکھاوے کے لئے نیکی کرنا ریاکاری کی نیت سے نیکی کا اظہار کر دینا کس قدر خطرناک ہے ، یہ سمجھانے کے لئے قرآنِ کریم نے ایک عبرتناک مثال بیان فرمائی ہے ، چنانچہ پارہ : 3 ، سورۂ بقرہ ، آیت : 266 میں ارشاد ہوتا ہے :   

اَیَوَدُّ اَحَدُكُمْ اَنْ تَكُوْنَ لَهٗ جَنَّةٌ مِّنْ نَّخِیْلٍ وَّ اَعْنَابٍ تَجْرِیْ مِنْ تَحْتِهَا الْاَنْهٰرُۙ-لَهٗ فِیْهَا مِنْ كُلِّ الثَّمَرٰتِۙ- وَ اَصَابَهُ الْكِبَرُ وَ لَهٗ ذُرِّیَّةٌ ضُعَفَآءُﳚ -فَاَصَابَهَاۤ اِعْصَارٌ فِیْهِ نَارٌ فَاحْتَرَقَتْؕ-كَذٰلِكَ یُبَیِّنُ اللّٰهُ لَكُمُ الْاٰیٰتِ لَعَلَّكُمْ تَتَفَكَّرُوْنَ۠(۲۶۶)  (پارہ : 3 ، سورۃالبقرۃ : 266)                                                                                                                                                                                                                      

ترجمہ : کیا تم میں سے کوئی یہ پسند کرے گا کہ اس کے پاس کھجور اور انگوروں کا ایک باغ ہو جس کے نیچے ندیاں بہتی ہوں ، اس کے لئے اس میں ہر قسم کے پھل ہوں اور اسے بڑھاپا آ جائے اور حال یہ ہو کہ اس کے کمزور و ناتوان بچے ہوں پھر اس پر ایک بگولا آئے جس میں آگ ہو تو سارا باغ جل جائے۔ اللہ تم سے اسی طرح اپنی آیتیں کھول کر بیان کرتا ہے تاکہ تم غوروفکر کرو۔

 یہ ایک مِثَال ہے^([1]) ہم میں سے ہر ایک اس مثال کو سامنے رکھ کر ، ذرا آنکھیں بند