اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہِ الرَّحْمٰنِ الرَّ حِیْم ^ط

اَلصَّلٰوۃُ وَ السَّلَامُ عَلَیْكَ یَا رَسُولَ اللہ                                                       وَعَلٰی اٰلِكَ وَ اَصْحٰبِكَ یَا حَبِیْبَ اللہ

اَلصَّلٰوۃُ وَ السَّلَامُ عَلَیْكَ یَا نَبِیَّ اللہ                                                                        وَعَلٰی اٰلِكَ وَ اَصْحٰبِكَ یَا نُوْرَ اللہ

نَوَیْتُ سُنَّتَ الْاِعْتِکَاف                      (ترجمہ : میں نے سُنَّت اعتکاف کی نِیَّت کی)

پیارے اسلامی بھائیو!     نَوَیْتُ سُنَّتَ الْاِعْتِکاف کا معنی ہے : میں نے سُنَّت اعتکاف کی نِیَّت کی۔ نِیَّت دِل کے ارادے کو کہتے ہیں ، جب بھی مسجد میں حاضِری ہو ، دِل میں ارادہ رکھ کر زبان سے بھی اعتکاف کی نِیَّت کر لیا کیجئے! اس کے کے 2 فائدے ہوں گے : * اَوَّل یہ کہ جب تک مسجد میں رہیں گے ، نفل اعتکاف کا ثواب ملتا رہے گا *مسجد میں کھانا ، پینا ، سونا ، سحری افطاری کرنا ، دَم کیا ہوا پانی پینا وغیرہ جائز نہیں ، اعتکاف کی نیت کر لینے کا دوسرا فائدہ یہ ہو گا کہ یہ سب کام (یعنی مسجد میں کھانا ، پینا ، سونا وغیرہ)  بھی جائز ہو جائیں گے۔

درود شریف کی فضیلت

فرمانِ آخری نبی ، رسولِ ہاشمی صَلَّی اللہُ عَلَیْہِ وَاٰلِہٖ وَسَلَّم : جس نے کتاب میں مجھ پر درودِ پاک لکھا ، جب تک میرا نام اس میں رہے گا فرشتے اس کے لئے بخشش کی دُعا کرتے رہیں گے۔ ^([1])       

عجب کرم ہے کہ خود مجرموں کے حامی             گناہگاروں کی بخشش کرانے آئے ہیں

 وہ پرچہ جس میں لکھا تھا درود اس نے کبھی         یہ اس سے نیکیاں اس کی بڑھانے آئے ہیں^([2])

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد