کی اِیمان اَفروز وَجہ بیان کرتے ہوئےحضرتِ علَّامہ عبدُالرَّؤف مَنَاوِیعَلَیْہِ رَحمَۃُ اللّٰہ ِالْقَوِی  ارشاد فرماتے ہیں :زمین اَنبیائے کرام عَلَیْھِمُ الصَّلٰوۃُوالسَّلام کے مُبارک قَدموں کے بوسوں سے مُشرَّف ہوتی ہے اور اسے یہ سَعادت ملتی ہے کہ اَنبیائے کرام عَلَیْھِمُ الصَّلٰوۃُوالسَّلام کے مُبارک اَجسام زمین سے مَس ہوتے ہیں تو یہ اِن کے جسموں کو کیسے کھا سکتی ہے۔ (فیض القدیر،حرف الھمزۃ،٢/٦٧٨،تحت الحدیث:٢٤٨٠)

اَنبیا کو بھی اَجل آنی ہے             مگر ایسی کہ فَقَط آنی ہے

پھر اُسی آن کے بعد اُن کی حَیات     مِثْلِ سابِق وہی جِسْمانی ہے

رُوح تو سب کی ہے زِندہ ان کا        جِسْمِ پُر نُور بھی رُوحانی ہے

                                                                                      (حدائق بخشش ص 372)

صَلُّوْا عَلَی الْحَبِیْب!                 صَلَّی اللّٰہُ تَعَالٰی عَلٰی مُحَمَّد

میٹھے میٹھے اِسلامی بھائیو!حُصُولِ ثواب کی خاطِر بَیان سُننےسے پہلے اَچّھی اَچّھی نیّتیں کر لیتے ہیں۔فَرمانِ مُصْطَفٰے صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ ’’نِیَّۃُ الْمُؤمِنِ خَیْرٌ مِّنْ عَمَلِہٖ‘‘ مُسَلمان کی نِیَّت اُس کے عمل سے بہتر ہے۔ (اَلمُعجمُ الکبیر لِلطّبرانی ج ۶ ص ۱۸۵ حدیث ۵۹۴۲)

دو مَدَنی پھول:(۱)بِغیر اَچّھی نِیَّت کے کسی بھی عملِ خَیْر کا ثواب نہیں ملتا۔

               (۲)جِتنی اَچّھی نیّتیں زِیادہ،اُتنا ثواب بھی زِیادہ۔

بَیان سُننے کی نیّتیں:

نگاہیں نیچی کیے خُوب کان لگاکر بَیان سُنُوں گا ٭ٹیک لگا کر بیٹھنے کے بجائے عِلْمِ دِیْن کی تعظیم کی خاطر جہاں تک ہوسکادو زانو بیٹھوں گا ٭ضَرورَتاً سِمَٹ سَرَک کر دوسرے کے لیے جگہ کُشادہ کروں گا