حمد/نعت/جشنِ ولادت کے نعرے

حمد/مناجات

یارب مِرے دل میں ہے تمنّائے مدینہ

یارب مِرے دل میں ہے تمنّائے مدینہ

ان آنکھوں سے دِکھلا مجھے صحرائے مدینہ

نکلے نہ کبھی دل سے تمنّائے مدینہ

سَر میں رہے یارب مِرے سودائے مدینہ

ایسا مِری نظروں میں سما جائے مدینہ

جب آنکھ اٹھاؤں تو نظر آئے مدینہ

اس درجہ ہیں مشتاقِ زیارت مری آنکھیں

دل سے یہ نکلتی ہے صدا ہائے مدینہ

سَر عرش کا خَم ہے تِرے روضے کے مقابل

اَفلاک سے اونچے ہیں مکانہائے مدینہ

کیوں گور کا کھٹکا ہو قیامت کا ہو کیا غم

شیدائے مدینہ ہوں میں شیدائے مدینہ

بُلوا کے مدینے میں جمیلِ رضوی کو

سگ اپنا بنا لو اسے مولائے مدینہ

(قبالۂ بخشش،ص113)

از مداح ُ الحبیب مولانا جمیل الرحمٰن قادری رضوی عَلَیْہِ رَحمَۃُ اللّٰہ ِالْقَوِی

 

Share

حمد/نعت/جشنِ ولادت کے نعرے

نعت/استغاثہ

آمد آمد ہے

مچی ہے دُھوم پیمبر کی آمد آمد ہے

حبیبِ خالقِ اکبر کی آمد آمد ہے

کیا ہےسبز علَم نصب بامِ کعبہ پر

کہ دو جہاں کے سرْوَر کی آمد آمد ہے

نہ کیوں ہو نُور سے تبدیل کفر کی ظُلمت

خدا کے ماہِ مُنوَّر کی آمد آمد ہے

ہے جبرئیل کو حکمِ خدا خبر کردو

کہ آج حق کے پیمبر کی آمد آمد ہے

خوشی کے جوش میں ہیں بلبلیں بھی نغمہ کُناں

چمن میں آج گلِ تَر کی آمد آمد ہے

دوزانو ہوکے ادب سے پڑھو صلاۃ و سلام

عزیز و  خَلق کے مَصْدَر کی آمد آمد ہے

جمیلِ قادری کہدے کھڑے ہوں اہلِ سُنَن

ہمارے حامی و یاور کی آمد آمد ہے

(قبالۂ بخشش،ص182)

از مداحُ الحبیب مولانا جمیل الرحمٰن قادری رضوی  عَلَیْہِ رَحمَۃُ اللّٰہ ِالْقَوِی

 

Share

حمد/نعت/جشنِ ولادت کے نعرے

جشنِ ولادت کے نعرے

 

سرکار صلَّی اللہ تعالٰی علیہ واٰلہٖ وسلَّم کی آمد مرحبا

سرکار کی آمد مرحبا

سردار کی آمد مرحبا

سالار کی آمد مرحبا

مُختار کی آمد مرحبا

غمخوار کی آمد مرحبا

تاجدار کی آمد مرحبا

شہریار کی آمد مرحبا

آقا کی آمد مرحبا

داتا کی آمد مرحبا

مولیٰ کی آمد مرحبا

حُضُور کی آمد مرحبا

پُرنور کی آمد مرحبا

غَیُور کی آمد مرحبا

اچھے کی آمد مرحبا

سچے کی آمد مرحبا

آقائے  عطّار   کی آمد  مرحبا

(وسائلِ بخشش مرمم،ص518)

از شیخِ طریقت امیرِ اہلِ سنت  دَامَتْ بَرَکاتُہُمُ الْعَالِیَہ

 

Share

Articles

Comments


Security Code