استغاثہ
ماہنامہ مارچ 2022ء
استغاثہ
نہیں فُرقت تمہاری اب گوارا یارسولَ اللہ
یہ دل بے چین ہے بہرِ نظارا یارسولَ اللہ
خدارا تاج والے! لے خبر خانہ بدوشوں کی
نہیں اب ہند میں اپنا گزارا یارسولَ اللہ
دَرِ اقدس پہ سر رکھتے ہی قصہ پاک ہوجائے
خدارا یارسولَ اللہ ، خدارا یارسولَ اللہ
گروہِ قادری کا حشر میں جب ہو گزر پُل سے
تو ہو وِردِ زباں نعرہ تمہارا یارسولَ اللہ
عرب والوں میں ہے چرچا ، عجم والوں میں ہے شُہرہ
تمہارا یارسولَ اللہ ، تمہارا یارسولَ اللہ
خدا رکھے سلامت مصطفےٰ حامد رضا خاں کو
کہ میری زندگی کا ہیں سہارا یارسولَ اللہ
ہُجومِ عاشقاں ہے تیرے کوچہ میں ہزاروں کا
بُلا ایوبِ رضوی کو خدارا یارسولَ اللہ
از : مولانا سید ایوب علی رضوی رحمۃُ اللہِ علیہ
شمائمِ بخشش ، ص55
مشکل الفاظ کے معانی : فُرقت : جدائی۔ قصہ پاک ہوجائے : موت آجائے۔ پُل : مراد پُل صِراط۔ مصطفےٰ حامد رضا خاں : شاعر کے پیر و مرشد امامِ اہلِ سنّت کے 2 شہزادے جن سے شاعر کو بہت محبت تھی۔
Comments