Book Name:Esal e Sawab Ki Barkatain
سے نکلتی *اور توبہ کی طرف دِل مائِل ہوتا ہے، اس لئے ہمیں چاہئے کہ وقتًا فوقتاً قبرستان جاتے رہا کریں، وہاں کچھ دَیر بیٹھ کر قبر کے اَحْوال اور روزِ قیامت قبروں سے اُٹھنے کے بارے میں غور و فِکْر کریں۔ اس کی بَرَکت سے اِنْ شَآءَ اللہُ الْکَرِیْم! *دِل روشن ہو گا* گُنَاہوں سے نفرت *اور نیکیوں کی محبّت نصیب ہو گی۔ *اس واقعہ سے ایک اَہَم بات یہ بھی سیکھنے کو ملی کہ ہمارا جب بھی قبرستان کے قریب سے گُزر ہو*چاہئے کہ کچھ تِلاوت کر کے *درودِ پاک پڑھ کر*کچھ ذِکْر اَذْکار کر کے اَہْلِ قبرستان کو اِیصالِ ثواب کر دیا کریں۔اس کی جو برکتیں ہمیں ملیں گی، وہ تو ملیں گی ہی، کیا خبر ہمارے اس ایصالِ ثواب کی برکت سے اُن اَہْلِ قبرستان کو کیا کیا فائدے ہو جائیں۔ اللہ پاک ہمیں کثرت سے درودِ پاک پڑھنے اور اس کا ثواب تمام مسلمانوں کو پہنچاتے رہنے کی توفیق نصیب فرمائے۔اٰمِیْن بِجَاہِ خَاتَمِ النَّبِیّٖن صَلَّی اللہُ عَلَیْہِ وَ آلِہٖ وَ سَلَّم
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
حدیثِ پاک میں ہے:اِنَّمَا الْاَعْمَالُ بِالنِّیَّات اعمال کا دار و مدار نیت پر ہے۔([1])
اے عاشقانِ رسول ! اچھی اچھی نیتوں سے عمل کا ثواب بڑھ جاتا ہے۔ آئیے! بیان سننے سے پہلے کچھ اچھی اچھی نیتیں کر لیتے ہیں، نیت کیجئے!مثلاً *رضائے الٰہی کیلئے بیان سُنوں گا *بااَدَب بیٹھوں گا* خوب تَوَجُّہ سے بیان سُنوں گا*جو سُنوں گا، اسے یاد رکھنے، خُود عمل کرنے اور دوسروں تک پہنچانے کی کوشش کروں گا۔
صَلُّوْا عَلَی الْحَبِیْب! صَلَّی اللہُ عَلٰی مُحَمَّد