والوں کو اِیْصال کر دیا (یعنی پہنچا دیا) ۔ اس نوجوان کا پہنچایاگیا وہ ثواب ہم سب اَہْلِ قبرستان میں تقسیم کیا گیا، بس یہ اسی اِیْصالِ ثواب کی برکت ہے کہ مجھے عذاب  سے رہائی مل گئی۔ بیٹے نے مزید کہا: اَمِّی جان! رسولِ ذیشان، مکی مَدَنی سلطان صَلَّی اللہُ عَلَیْہِ وَ آلِہٖ وَ سَلَّم پر درودِ پاک پڑھنا دِلوں کا نُور، گُنَاہوں کا کفّارہ اور زِندوں اور مُردَوں کے لئے رحمت ہے۔^([1])

ذاتِ والا پہ بار بار دُرود                                                                                                    بار بار اور بے شُمار دُرود

بے عدد اور بے عدد تسلیم                                                                                      بے شمار اور بے شُمار دُرود

قبر میں خوب کام آتی ہے                                                                                        بیکسوں  کی   ہے   یارِ   غار   دُرود^([2])

پیارے اسلامی بھائیو! اس ایمان افروز واقعے سے ہمیں بہت سارے سبق سیکھنے کو ملتے ہیں، مثلاً *اس سے یہ سبق ملا کہ تَوبہ میں کبھی ٹَال مَٹول نہیں کرنی چاہئے،کیا خبر موت کب آجائے، کب رُوح قبض کر لی جائے، اللہ نہ کرے اگر بغیر تَوبہ کئے موت کے گَھاٹ اُتر گئے تو عذاب میں گرفتار ہو سکتے ہیں۔ اس لئے ہمیں چاہئے کہ گُنَاہوں سے بچتے رہیں اور سچّے دِل سے توبہ کرتے ہی رہا کریں۔

مت گناہوں پہ ہو بھائی بے باک تُو                                     بھول مت یہ حقیقت کہ ہے خاک تُو

تھام لے دامنِ شاہِ لولاک تُو                                                                    سچّی تَوبہ سے ہو جائے گا پاک تُو^([3])

*مزید اس واقعے سے یہ بھی معلوم ہوا کہ قبرستان جانے، قبروں کی وِیرانی اور سُنسَان مَاحول دیکھ کر *آخرت کی یاد آتی ہے*دِل چوٹ کھاتا ہے*دُنیا کی محبّت دِل