خلاصہ یہ کہ اس نے ملازمین سے کہا: جو جہاز ڈوبے ہیں، وہ میرے نہیں ہو سکتے، تم جہازوں کی تلاش جاری رکھو! چنانچہ خط ملتے ہی ملازموں نے جہاز ڈھونڈنے شروع کر دئیے! آخر جب ساحِل پہنچے تو دیکھا تمام جہاز سامان سمیت صحیح سلامت موجود ہیں۔

بڑی کی گیارہویں اس سال اس نے                                  مساکینوں کو بخشا مال اس نے

بھرا کرتا تھا ہر دم شاہ کا دَم                                                                                زباں پر تھا فقط اسمِ اعظم

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

ایصالِ ثواب ادائے مصطفےٰ ہے

پیارے اسلامی بھائیو!  الحمدللہ! ہمارے آقا ومولیٰ، مکی مَدَنی مصطفےٰ صَلَّی اللہُ عَلَیْہِ وَ آلِہٖ وَ سَلَّم کو اپنی اُمّت سے بہت پیار ہے، آپ صَلَّی اللہُ عَلَیْہِ وَ آلِہٖ وَ سَلَّم نے اُمّت کو اِیصالِ ثواب فرمایا۔ حدیثِ پاک میں ہے: پیارے نبی، رسولِ ہاشمی صَلَّی اللہُ عَلَیْہِ وَ آلِہٖ وَ سَلَّم نے دو مینڈھے ذبح فرمائے، ایک کا ثواب ساری اُمّت کو پہنچایا اور ایک اپنے اور اپنے اَہْلِ بیت کے لئے ذبح فرمایا۔ ^([1])

مغفرت کا ایک سبب

پیارے اسلامی بھائیو! چونکہ رسولِ ذیشان، مکی مَدَنی سلطان صَلَّی اللہُ عَلَیْہِ وَ آلِہٖ وَ سَلَّم کو اپنی اُمّت سے بےپناہ پیار ہے، لہٰذا جو شخص اُمّتِ مصطفےٰ صَلَّی اللہُ عَلَیْہِ وَ آلِہٖ وَ سَلَّم بالخصوص قبر میں اُترجانے والے اُمّتی کو فائدہ پہنچاتا ہے، آپ صَلَّی اللہُ عَلَیْہِ وَ آلِہٖ وَ سَلَّم اس سے بہت خُوش ہوتے ہیں۔ چنانچہ بہت بڑے ولیِ کامِل، حضرت مالک بن دِىنار رَحمۃُ اللہِ عَلَیْہ بیان کرتےہیں کہ مىں جمعہ کی رات تھی، میں  قبرستان مىں گىا تودىکھا وہاں اىک نورچمک رہاہے، مىں نے کہا : لَا اِلٰہَ اِلَّااللہ...!! اىسا لگتا ہے اللہ پاک نے قبرستان والوں کى مغفرت فرمادى ہے۔