سے انتِظار کرتا ہے کہ باپ یا ماں یا بھائی یاکسی دوست کی دُعا اُس کو پہنچے اور جب کسی کی دُعا اُسے پہنچتی ہے تو اس کے نزدیک وہ دنیا ومَافِیْھا(یعنی دنیا اور اس میں جو کچھ ہے) سے بہتر ہوتی ہے۔اللہ پاک قبر والوں کو ان کے زندہ مُتَعَلِّقِین کی طرف سے تحفہ کیا ہوا ثواب پہاڑوں کی طرح عطا فرماتا ہے، زندوں کا ہَدِیَّہ (یعنی تحفہ) مُردوں کیلئے دعائے مغفرت کرنا ہے۔ ^([1])

دعاؤں کی برکت

حدیث پاک میں ہے: میری اُمّت گناہ سَمیت قبر میں داخِل ہوگی اور جب نکلے گی تو بے گُنَاہ ہوگی کیونکہ وہ مسلمانوں کی دعاؤں سے بَخْش دی جاتی ہے۔^([2])

بخش دے بےحساب اے خُدا بخش دے

تجھ کو محبوب کا واسطہ یاخُدا

میرے ماں باپ کی ، آل و اَحْباب کی

مغفرت کر برائے رضا یاخُدا

نُورانی لباس

ایک بُزرگ نے اپنے مَرْحُوم بھائی کو خواب میں دیکھ کر پوچھا :کیازِندہ لوگوں کی دُعا تم لوگوں کو پہنچتی ہے؟ مَرْحُوم نے جواب دیا:ہاں اللہ پاک کی قسم! وہ نُورانی لباس کی صُورت میں آتی ہے، اسے ہم پہن لیتے ہیں۔^([3])

نورِ احمد سے قبر روشن ہو                                                                                                 وَحْشتِ قبر سے بچا یاربّ!